MMA boýunça türkmen türgeni ACA çempiony boldy

Garyşyk söweş tärleri, ýagny MMA boýunça türkmenistanly türgen Döwletjan Ýagşymyradow Absolute Championship Akhmat (ACA) ligasynyň 93 kilograma çenli, ýarym-agyr agram derejesiniň çempiony boldy.


Warşawada geçirilen ACA-92 turniriniň çägindäki duşuşykda 29 ýaşly türkmen türgeni dördünji raundda 39 ýaşly polşaly Karol Selinskini tehniki nokaut bilen ýeňdi.


Ýagşymyradow bu assosasiýada 2017-nji ýylda çykyş edip başlady. Ol şondan bäri geçiren bäş duşuşygynyň ählisinde ýeňiş gazanmagy başardy.