ABŞ-nyň Ukrainadaky ozalky ilçisi Ýowanowiç Döwlet departamentinden işden çekildi
Ýowanowiç 2019-njy ýylyň maýynda, Trampyň hususy aklawçysy Rudi Julianiniň ýolbaşçylygynda işden çetleşdirmek boýunça edilen gujurly kampaniýadan soň, birden Kiýewden Waşingtona çagyryldy.
33 ýyllap diplomatik işlerde işlän Ýowanowiç Kiýewden çagyrylandan soňam Döwlet departamentiniň aýlygynda galdy we Waşingtondaky Georgetown uniwersitetinde sapak berdi.
Ýowanowiç noýabrda Wekiller öýüniň impiçment derňewinde görkezme berip, Julianini Ukrainada diplomatiýanyň “regulýar däl kanalyny gurnamakda” aýyplady.
Ol munuň bölekleýin Trampyň içerki syýasy bähbitlerini ilerletmäge gönükdirilendigini aýtdy.