Новости за 08.12.2019

(Казан, 8 декабрь, «Татар-информ»). Иске Чүпрәле авыл җирлегендә үзара салым мәсьәләсе буенча җирле референдумда беренчеләрдән булып район башлыгы Марат Гафаров та тавыш бирде. Бу хакта «Туган як» сайтында хәбәр ителә.

(Казан, 8 декабрь, «Татар-информ»). Кукмара һәм Манзарас авыл җирлегендә үзара салым кертү мәсьәләсе буенча референдум уза. Район халкы һәр җыелган сумга республика бюджетыннан тагын дүрт сум өстәсәләр, районда конкрет мәсьәләләрне хәл итү өчен билгеле бер күләмдә акча җыярга әзерме-юкмы икәнлеген хәл итә. Бу хакта «Хезмәт даны» газетасы яза.

(Алабуга, 8 декабрь, «Татар-информ», «Яңа Кама»). Үзара салым программасы халыкка үз авылларындагы кайсы проблемалар беренче чиратта хәл ителергә тиешлеген үзләре хәл итү мөмкинлеген бирә. Шуңа күрә авыл халкы референдумнарда актив катнаша.

(Казан, 8 декабрь, «Татар-информ», Зилә Мөбәрәкшина). Әлки районы Иске Алпар авылында тарихта беренче тапкыр «Алпар төбәге» дип исемләнгән китап тәкъдим ителде. Әлеге проектның җитәкчесе — Илдар Хафизов. Китап мең данәдә «Мәгариф — Вакыт» нәшриятында чыккан. Кичәдә «Татар-информ» хәбәрчесе дә катнашты.

(Казан, 8 декабрь, «Татар-информ»). Мөслим районында гражданнарга үзара салым кысаларында берәр мең сум акча җыярга тәкъдим итәләр. Бу хакта «Республика Татарстан» газетасы яза.

7 декабрь Мәскәү "Мемориал" хокук яклау үзәгенең конференц-залында тоткын аналарының беренче корылтае узды. Корылтайда "Мәскәү эше", "Сеть", "Хизб ут-Тәхрир", "Новое Величие" эшләре нигезендә кулга алынган һәм башка сәяси тоткыннарының аналары һәм туганнары катнашты.

(Казан, 8 декабрь, «Татар-информ»). Фёдор Бондарчук командасы Качалов театрында «КАМАЗ-Мастер» сериалы өчен актёрлар кастингы уздырган. Бу хакта театрның матбугат үзәге хәбәр итә.

(Казан, 8 декабрь, «Татар-информ»). Балтач бистәсендә 2020 елда халыктан үзара салым җыю мәсьәләләре буенча тавыш бирү бара. Барлыгы 5 тавыш бирү участогы эшли. Җирле халкы әкренләп килә тора, тавыш бирә. Бу хакта "Хезмәт" басмасы хәбәр итә.

(Казан, 8 декабрь, «Татар-информ»). Бүген, 8 декабрьдә, Питрәч авыл җирлегендә үзара салым кертү буенча референдум уза. Бу хакта «Алга» газетасы яза.

(Казан, 8 декабрь, «Татар-информ»). Бүген Лаеш шәһәрендә үзара салым мәсьәләләре буенча үткәрелә торган референдумда 9,3 процент сайлаучы вакытыннан алда тавыш бирде. Бу хакта «Татар-информ»га Лаеш районы территориаль сайлау комиссиясе рәисе Елена Сюнина сөйләде.

(Казан, 8 декабрь, «Татар-информ», Рузилә Мөхәммәтова). Камал театры хореографы Сәлимә Әминова белән Курчак театрында «Маугли» спектаклен куярга килешү төзелде. Килешү Сәлимә Әминованың юбилей кичәсе вакытында — сәхнәдә имзаланды. Камал театрында хореограф Сәлимә Әминованың юбилей кичәсе үтте.

(Казан, 8 декабрь, «Татар-информ»). Бүген республиканың 14 районының 15 авыл җирлеге территориясендә үзара салым мәсьәләләре буенча җирле референдумнар узачак. Сайлаучыларның күбесе — 13 меңгә якыны Кукмара авыл җирлегендәге участокларда. Бу хакта Татарстан Үзәк сайлау комиссиясе хәбәр итә.

(Казан, 8 декабрь, «Татар-информ»). Мәгърифәт министрлыгы укытучыларның хезмәт хакларын арттыру турындагы тәкъдимне Хезмәт һәм социаль яклау министрлыгына юллаган. Бу хакта ТАСС хәбәр итә.

(Казан, 8 декабрь, «Татар-информ», Полина Шевчук). Түбән Новгородта автомобиль, массакүләм юл-транспорт һәлакәтеннән соң, тротуарга чыгып, 12 кешене, шул исәптән ун баланы бәрдергән. Бу хакта РИА Новости хәбәр итә.

(Чүпрәле, 8 декабрь, «Татар-информ», «Туган як», Гөлия Фәизова). Чүпрәле районында үзенчәлекле балалар һәм физик мөмкинлекләре чикләнгән өлкәннәр өчен бәйрәм тамашасы булды. Чарада 50 дән артык кеше катнашты. Бу турыда район басмасы хәбәр итә.

(Казан, 8 декабрь, «Татар-информ»). Түбән Кама районы авыл җирлекләрендә фермерлар белән очрашып фикер алышу гамәлгә керде. «Нижнекамский» кооперативы хуҗалыкларга язын чәчәр өчен орлык бирү программасын гамәлгә кертергә планлаштыра. Бу турыда Түбән Кама муниципаль районы рәсми сайтында хәбәр ителә.

(Казан, 8 декабрь, «Татар-информ», «Алга»). Питрәч районының Татар Казысы авылында яшәүчеләр үзара салым акчасына янгын сүндерү машинасы сатып алган. Бу турыда район басмасы хәбәр итә.

(Әгерҗе, 8 декабрь, «Татар-информ», «Әгерҗе хәбәрләре»). Әгерҗенең Иске Эсләк авылында каз өмәсен матур итеп уздырганнарэ Авыл уңганнары милли киемнәр киеп казларны елгага алып төшү йоласын да яңарткан. Бу турыда район басмасы хәбәр итә.

(Казан, 8 декабрь, "Татар-информ"). Самараның Камышлы авылы гомумбелем бирү мәктәбендә татар теле һәм әдәбияты буенча өлкә олимпиадасы узды. Анда Шенталы, Похвистнево, Камышлы районнарының һәм Самараның “Яктылык” татар теле укытылган мәктәпләре укучылары катнашты. Бу турыда "Самара татарлары" сайтында хәбәр ителә.

(Казан, 8 декабрь, «Татар-информ»). Төмән шәһәренең татар мәдәният үзәгендә «Себер татар теле һәм мәдәнияте–2019» бәйрәме быел да зур әзерлек белән үтте. Быел ул җиденче тапкыр үткәрелде. Бу турыда «Яңарыш» газетасында хәбәр ителә.

(Казан, 8 декабрь, «Татар-информ»). Бөгелмәнең Яшьләр сараенда Россиядә волонтер көнен бәйрәм итүгә һәм «Ел волонтеры — 2019» муниципаль конкурсына йомгак ясауга багышланган тантаналы чара узды. Бу турыда Бөгелмә муниципаль районы сайтында хәбәр ителә.

(Казан, 8 декабрь, «Татар-информ»). 6 декабрьдә «Бәрәкәт» керәшен яшьләре форумының 10 еллыгы билгеләп үтелде. Кичәдә «Бәрәкәт»нең 10 еллык эше тәкъдим ителгән презентация күрсәтелде. Бу турыда «Туганайлар» сайтында хәбәр ителә.