Новости за 06.05.2022

6 майда Түбән Камада «Батырлар юлы буйлап» автомотоузышы оештырыла. Бөек Җиңү көнен каршылап үткәрелүче әлеге чарада ветераннар, автомәктәпләр һәм һөнәри уку йортлары коллективлары катнашачак. Чара 9.00 сәгатьтә Мәңгелек ут янында митинг белән башланып китә. 9: 30 сәгатьтә колонна түбәндәге маршрут буенча кузгала: Спорт урамы - Октябрьнең 50 еллыгы урамы (җөп ягы) – Химиклар проспекты (так ягы) – Көньяк урам -Химиклар проспекты (җөп ягы). Бу турыда Түбән Кама муниципаль районының рәсми сайтында хәбәр ителә. Читать дальше...

Чүпрәледә Айрат Усманов белән Фәркать Шиһапов май-сыр заводы ачу идеясен 1,5 ел элек тәкъдим итте. Алар ташландык бер урында җир бүлеп алды, заводның нигезен корды. Әкренләп Татарстан буенча эшмәкәрләргә ярдәм итүче программаларга кереп, төзелеш башлады. Ел башында исә алар барлык кирәк булган җиһазларны кайтартып, урнаштыру эшләрен башкарган иде һәм менә завод беренче продукциясен чыгара да башлады.

Түбән Кама районының Аккош күлендә кыр казлары тукталган. Бу хакта шәhәр фотографы Радик Кутушевның «ВКонтакте»дагы шәхси битенә сылтама белән «Туган як» сайтында хәбәр ителә.

Питрәчнең өч балалар бакчасы грант алды. "Айгөл" балалар бакчасы "Иң яхшы билингваль балалар бакчасы" республика грантының җиңүчесе булды. Ул 500 мең сум грантка ия булды.

Бөек Җиңү көне алдыннан Минзәлә районында шул дәһшәтле еллар шаһиты булган  ветераннарны бәйрәм белән котлау, алар өчен агитбригаданың концерт күрсәтүе матур традициягә әйләнде. Кызганычка, районда сугышта катнашучылар бик аз калып бара. 

10 ел элек Русия нинди иде? Бу 10 елда илдә нинди демократик казанышлар юк ителде? Сазлык мәйданы вакыйгаларына 10 ел тулу уңаеннан соңгы елларда юкка чыккан казанышларны барлыйбыз.