Токтогул Сатылганов атындагы кыргыз улуттук филармониясы оңдоо иштери үчүн жабылат. Бул тууралуу бүгүн Жогорку Кеңештин социалдык маселелер боюнча комитетинин отурумунда маданият министринин орун басары Кайрат Иманалиев билдирди. Анын айтымында, 25-апрелде филармонияда Улуттук салттуу музыканын күнүнө карата гала-концерт уюштурулмак. «Гала-концерт драма театрда өтөт. Анткени филармония ШКУнун саммитине карата даярдык иштерине байланыштуу оңдоо үчүн жабылат», — деп билдирди Кайрат Иманалиев.
