Либиските завојувани страни на мировни преговори во Москва

Руското министерство за надворешни работи соопшти дека либиските завојувани страни денеска ќе се сретнат на мировни разговори во Москва. На разговорите ќе присуствуваат Фајез ал-Сарај, кој е на чело на либиската влада која е признаена од Обединетите нации и Калифа Хафтар, командант на самопрогласената Либиска национална армија.

Претходно денеска министрите за надворешни работи и за одбрана на Русија и Турција одржаа состанок за случувањата во Либија. Портпаролката на руското министерство за надворешни работи Мариа Закхарова на нејзината страница на социјалната мрежа Фејсбук напиша  дека пристигнале и претставници на либиските спротивставени страни кои ќе се придружеле на состанокот.

Инаку, Либија е зафатена од насилства по падот на Моамер Гадафи кој беше соборен од власт и убиен во 2011 година. Земјата сега има две влади, едната поддржана од Обединетите нации и се наоѓа во Триполи, а другата е владата на Либиската национална армија предводена од Хафтар.