Հայաստանի ամերիկյան համալսարանը (ՀԱՀ) հայտարարել է ԱՄՆ-ում գործող ԴԲԱԸ ԲՈՒՀ-երի հանձնաժողովի (WASC Senior College and University Commission (WSCUC)) կողմից հավատարմագրման վերահաստատման մասին: ՀԱՀ-ը ստացել է հնարավոր առավելագույն 10-ամյա հավատարմագրումը, որը հանձնաժողովի կողմից հազվադեպ է տրվում: Այս մասին հայտնել է ՀԱՀ-ի նախագահ դոկտոր Բրյուս Պողոսյանը մարտի 13-ին տեղի ունեցած մամուլի ասուլիսի ժամանակ:
Իր ելույթում դոկտոր Պողոսյանն ընդգծել է, որ 10 տարով վերահավատարմագրումը թույլ է տալիս Հայաստանի ամերիկյան համալսարանը դասել աշխարհի լավագույն համալսարանների շարքին, ինչպիսիք են Սթենֆորդի, Հարավային Կալիֆորնիայի, Բերքլիի Կալիֆորնիայի համալսարանները:
«Այս շնորհումը հռչակում եւ արտացոլում է մեր համալսարանի կարողությունը հետեւողականորեն պահպանելու միջազգային ամենաբարձր չափանիշները բարձրագույն կրթության ասպարեզում»,- ասել է նա:
WASC-ը մեկն է Ամերիկայի Միացյալ Նահանգների կրթության նախարարության կողմից ճանաչված ընդամենը վեց գործակալություններից, որոնք իրականացնում են ԱՄՆ-ի բարձրագույն ուսումնական հաստատությունների հավատարմագրումը: Կալիֆորնիայի բոլոր համալսարանների հավատարմագրումն իրականացնում է հենց WASC-ը:
Առաջին անգամ ՀԱՀ-ը նախաձեռնել է այս հավատարմագրման գործընթացը դեռեւս 1998 թվականին եւ թեկնածուի կարգավիճակ ստացել 2002-ին: Դրանից հետո համալսարանը պատմական հաջողություն է գրանցել, երբ 2006-ին հավատարմագրումն արդյունավետ է ճանաչվել: 2015 թվականի մարտին, WASC-ի Ավագ քոլեջի եւ համալսարանի հանձնաժողովը (WSCUC) վերահաստատել է ՀԱՀ-ի հավատարմագրումը 9 տարով՝ մինչեւ 2024 թվականի փետրվար:
Ներկայումս ՀԱՀ-ը Հայաստանում եւ հետխորհրդային տարածաշրջանում միակ համալսարանն է, որը ստացել է ԱՄՆ-ի կրթության նախարարության կողմից ընդունված հավատարմագրում:
Հանձնաժողովի կողմից գլխավորապես գնահատվել է ՀԱՀ-ի ֆինանսական կայունությունը եւ այն փաստը, որ համալսարանի ուսման վարձը մեծ մասամբ սուբսիդավորվում է:
«Վարձավճարները ծածկում են ուսանողներին կրթելու ծախսերի միայն 40%-ը: Մենք հենվում ենք մեր նվիրատվության ֆոնդի վրա, որպեսզի կարողանանք նաեւ անհրաժեշտության վրա հիմնված ֆինանսական աջակցություն եւ կրթաթոշակներ տրամադրել մեր ուսանողներին: Փաստացի, մեր ուսանողության առնվազն կեսը ստանում է որեւէ տիպի ֆինանսական աջակցություն»,- ասել է դոկտոր Պողոսյանը:
Հանձնաժողովնը նաեւ բարձր է գնահատել ՀԱՀ-ի կողմից բակալավրի կրթական ծրագրերի հաջող ներդնումը 8 պահանջված ուղղություններով, նաեւ դրական է արձագանքել ամուր էթիկական սկզբունքներին եւ քաղաքականությանը, որոնք օրինակ են ծառայում տեղի այլ համալսարանների համար:
Բացի վերը նշվածից, հանձնաժողովը նաեւ հանդես է եկել ՀԱՀ-ի զարգացումը խթանելուն ուղղված առաջարկություններով, որոնց շարքում են հետեւողականության եւ թափանցիկության բարելավմանն ուղղած շարունակական ջանքերը:
«Փաստացի, մենք արդեն սկսել ենք հանձնաժողովի կողմից կատարված առաջարկությունների հասցեագրումը»,- հավելել է համալսարանի նախագահը:
Հավատարմագրումը երաշխավորում է համալսարանների շարունակական զարգացումը: Այս մասին ասուլիսի ժամանակ ասել է Հայաստանի ամերիկյան համալսարանի ընդհանուր կրթության դեկան Շարիստան Մելքոնյանը, որը նաեւ նախագահում է կրթության ղեկավարման կոմիտեն:
«Ամերիկյան հավատարմագրում ստանալը ցույց է տալիս մեր պոտենցիալ ուսանողներին եւ նրանց ընտանիքներին, որ ՀԱՀ-ի կողմից տրվող կրթական աստիճանն արժե նրանց ժամանակի ու ջանքերի ծախսը: Այն ցույց է տալիս պոտենցիալ եւ ներկա դասախոսական կազմին, որ ՀԱՀ-ն արժանի է նրանց ներդրած ժամանակին ու փորձառությամբ կիսվելուն: Սա նաեւ նշան է աշխատաշուկայի համար, որ ՀԱՀ-ի շրջանավարտները պատրաստ են ընդունելու տեղական, տարածաշրջանային ու համաշխարհային միջավայրի մարտահրավերները»,- ասել է նա:
Հայաստանի ամերիկյան համալսարանը հավատարմագրված է նաեւ «Մասնագիտական կրթության որակի ապահովման ազգային կենտրոն» հիմնադրամի կողմից: ՈԱԱԿ-ի տնօրեն դոկտոր Ռուբեն Թոփչյանը նշել է, որ WASC-ը մեր պետության կողմից ճանաչված է որպես Հայաստանում հավատարմագրում իրականացնող գործակալություն:
«Հայաստանի Ամերիկյան Համալսարանն ունի որակի ապահովման լավ համակարգ, որը շարունակաբար բարելավում է ուսանողներին մատուցվող ծառայությունների եւ կրթության մակարդակը: Ես շատ ուրախ եմ ձեռք բերված արդյունքների համար»,-ընդգծել է դոկտոր Թոփչյանը:
Disney Dreamlight Valley just announced its second DLC featuring 4 new characters, along with a free update coming in December
World's biggest modding site announces new paid mods policies, with caveats—'as long as it isn't to the detriment of the free modding ecosystem'
Call of Duty: Black Ops 6 meta guns and loadouts
AMD's Dr. Lisa Su predicts AI GPU market will grow to $500 billion by 2028 or 'roughly equivalent to annual sales for the entire semiconductor industry in 2023'
Заместитель управляющего Отделением Фонда пенсионного и социального страхования Российской Федерации по г. Москве и Московской области Алексей Путин: «Клиентоцентричность - наш приоритет»
Вучич посетит празднование 80-летия Победы в Москве
Президент Сербии Вучич приедет в Москву на празднование 80-летия Победы
Вице-премьер Сербии Вулин: Вучич приедет в Москву и встретится с Путиным 9 Мая
