Namazi është falur dhe burrat flokëthinjur zhvendosin shikimin e tyre nga imami tek instruktori i gjimnastikës në një xhami të Stambollit. Dhjetëra besimtarë myslimanë, përfshirë imamin, nisin ushtrimet. Një projekt gjimnastikor, i cili ka nisur gjatë janarit në 11 xhami të qarkut të varfër të Baxhëllarit, po u mundëson burrave të bëjnë më shumë stërvitje sesa që kanë bërë për vite të tëra. Por, gratë e Turqisë, të cilat kryesisht falen në shtëpi, nuk janë përfshirë në projekt. (Përgatiti: Trim Haliti)
Pranë bjeshkëve të Strellcit në Deçan, 48-vjeçari Enver Kapitaj përkujdeset për afro 140 delet e tij. Rreth 20 vjet më parë, ai i shkëmbeu malet e Zvicrës për bjeshkët e vendlindjes vetëm që të ishte pranë dhenve e për ta vazhduar traditën familjare si barinj.