Qeveria ruse e ka shpallur Radion Evropa e Lirë “organizatë të padëshirueshme”, duke u bazuar në një regjistër të Ministrisë ruse të Drejtësisë. Ky vendim praktikisht ia ndalon REL-it punën në Rusi, dhe ekspozon këdo që bashkëpunon me të ndaj ndjekjes së mundshme penale. Presidenti i REL-it, Stephen Capus, ka thënë se ky veprim tregon se Moska e konsideron raportimin e pavarur “kërcënim ekzistencial”. (Përgatiti: Trim Haliti)
Palestinezët që kanë arritur të ikin prej sulmeve të Izraelit në veri të Gazës, tani në jug po përballen me mungesë të ushqimit, ilaçeve dhe produkteve higjienike. Për popullsinë në Rafah, secila ditë është kthyer në cikël të vazhdueshëm të kërkimit për bukë dhe ujë.