Новости за 22.12.2020

Сурхондарё вилоятининг Шеробод туманида маҳаллалардан бирининг имом вакили жомеъ масжиди биноси ичида масжид котибини пичоқлади. Котиб шифохона йўлида вафот этди.

Трампнинг Синдзо Aбэ, Нарендра Моди ва Скотт Моррисонни «Фахрий легион» ордени билан тақдирлагани, Туркия ҳукуматининг меҳмонхоналарда янги йил байрамларини ўтказишни тақиқлаши, BioNTech’нинг 6 ҳафта ичида янги COVID-19 мутациясига қарши вакцина яратиши мумкинлиги ва бошқа янгиликлар — «Газета.uz»нинг жаҳон янгиликлари дайжестида.

Ўзбекистон Жаҳон соғлиқни сақлаш ташкилотининг COVAX альянси орқали 2 млн доза вакцина сўраб мурожаат қилган ва Ўзбекистоннинг аризаси қабул қилинган.

Амударё орқали Хоразм вилояти Қорақалпоғистон Республикасини боғловчи 413 метрлик кўприк қурилиши бошланди. Кўприк қурилиши 2022 йил сентябр ойига якунланиши режалаштирилган.

Россияда 2020 йилнинг 9 ойи давомида чет эл фуқаролари томонидан содир этилган ЙТҲларнинг аксариятига ўзбекистонликлар сабабчи бўлган. Ўзбекистон фуқаролари келтириб чиқарган 797 ЙТҲда 58 киши вафот этган, 1080 киши жароҳатланган. Тожикистон фуқаролари келтириб чиқарган аварияларда энг кўп ўлим ҳолатлари (76 нафар қурбон) қайд этилган.

АҚШда инқирозни енгиллаштриш учун кўплаб фуқароларга 600 доллардан берилади, пандемия сабабли ишини йўқотганлар қўшимча тўлов олади.

The Economist Малави давлатини йил давлати деб эълон қилди. Бу қарорни нашр «авторитар ҳудудда демократиянинг тикланиши» учун дея изоҳлади.

Инстанция судининг ҳукми ва ажрими устидан апелляция тартибида шикоят бериш муддати 10 кундан 20 кунга, фуқаролик, маъмурий ва иқтисодий ишлар бўйича эса 20 кундан 1 ойга қадар узайтирилмоқда.

Навоий вилоятида спиртли ичимлик таъсиридаги икки фуқаро орасида жанжал юзага келди. Оқибатда улардан бири, 45 ёшли эркак олган жароҳатлари туфайли вафот этди.

Россиялик мухолифатчи Алексей Навальний унга суиқасд уюштирганликда гумонланаётган ФСБ ходимларидан бири билан бўлган қўнғироқ суҳбатини интернетга жойлади. Навальнийнинг айтишича, ФСБ ходими унга суиқасд уюштирилганлигини тан олган.

Ўрта асрлардан буён илк бора Юпитер ва Сатурн максимал даражада яқинлашди. Ушбу ҳодиса 1226 йилдан бери биринчи марта тунда содир бўлгани қайд этилди.

Британия ва бошқа бир қатор мамлакатларда тарқалаётган коронавируснинг янги штамми туфайли Исроил чет элликларнинг мамлакатга киришини тўхтатиб қўйди.

«Пахтакор» бош мураббийи Шота Арвеладзе клубни тарк этганини эълон қилди.

21 декабрдан 10 январга қадар Ўзбекистон Европанинг 6 та ҳамда Австралия ва ЖАР билан авиарейсларни тўхтатмоқда. Бунга ушбу давлатларда янги коронавирус инфекцияси аниқланиш ҳолатлари сони тубдан ошиб кетиб, эпидемиологик вазият кескин ёмонлашуви сабаб бўлган.

Aтом электр станциясини қуриш бўйича Ўзбекистон ва Россия ўртасида шартнома «деярли тайёр ҳолатга келтирилган», фақат техник жиҳатлари қолмоқда. Хусусан, АЭС учун сув сарфини камайтириш масалалари муҳокама қилинмоқда, дея хабар берди Россиянинг Тошкентдаги элчиси Владимир Тюрденев.

Жо Байден рафиқаси билан коронавирусга қарши эмланди. Вакцинация жарёни жонли эфирда намойиш этилди.