Новости за 31.07.2015

“Мәдәни җомга” № 29 (2015)

Татар дәүләт опера һәм балет академия театрында сәхнәләштерелгән “Җәлил” операсында фашизмга хөрмәт белән карау күренешләрен табып, Татарстан Коммунистлар партиясе җитәкчелеге прокуратурага мөрәҗәгать иткән иде. Бу исә Рихард Вагнерның Новосибирск театрында куелган “Тангейзер” операсына бәйле гауганың икенче сериясе буларак кабул ителде. Андагы җирле руханилар бу операда христиан диненә тел тидерү, дин тотучыларны кимсетү кебек кимчелекләр тапкан булган.

Чирек гасыр элек беренче тапкыр буларак альтернатив нигездә XII чакырылыш Татарстан Югары Советы сайланган иде. Аннан соңгы вакыт эчендә Татарстанның яңа дәүләтчелеге формалашты. Хәзерге законнарны иҗат итү системасы шуңа нигезләнеп оештырыла.

Спортның су төрләре буенча XVI дөнья чемпионаты башкалабызның  “Татнефть-Арена”  сараенда  гаҗәеп матур су  тамашасы белән  ачылып  китте. Тантанада Россия Президенты Владимир Путин, Бөтендөнья халыкара йөзү федерациясе президенты Хулио Маглионе, Россия Президентының Идел буе округындагы вәкаләтле вәкиле Михаил Бабич, Татарстан Президенты вазифаларын вакытлыча башкаручы Рөстәм Миңнеханов, Татарстан Дәүләт Киңәшчесе Минтимер Шәймиев һәм башка дәрәҗәле кунаклар катнашты.

Җитмешне тутыру  кешенең шактый олы яшькә җитүен күрсәтә. Ә менә мин  язарга теләгән кешенең килеш-килбәте дә, ургылып торган тормыш энергиясе дә әлеге дата белән һич ярашып бетми. Сүзем Россия һәм Татарстанның халык артисты, сценарийлар язучы һәм режиссер Лима Кустабаева турында булачак. Аның юбилее республикабызда лаеклы билгеләнеп үтәр, дип өметләнәм.

1 август (шимбә). Шәүвәл аеның 16нчы көне. 17нче Ай тәүлеге. Ай Сукояр йолдызлыгында, 19.54 сәгатьтә калка, 5.05 сәгатьтә бата. 3нче фаза. Көн озынлыгы 16.04 сәгать.