Алхратә комиссиа хадаҟны иаԥҵоу Алингвисттә комиссиа ахантәаҩы ихаҭыԥуаҩ, Аԥсуаҭҵааратә институт анаукатә усзуҩ хада Валентин Коӷониа арадио Sputnik Аԥсны аефир аҿы иҳәеит атәыла ахадарахьы акандидат изы аԥышәара шымҩаԥырго.
Аԥсуаа ртрадицатә культураҿы акыр иҭбаауп аԥсра иадҳәалоу ақьабзқәа, аԥсы иҵәыуашьа инаркны, ашәаџьҳәара, адышшылара, аԥсра, аԥсхәра амҩаԥгашьеи аԥсы иқә-иҵас аныҟәгареи ирыдҳәалоу ақьабзқәеи.
Аҳауагәаҭаҩ Лариса Ахԥҳа арадио Sputnik Аԥсны аефир аҿы еиҭалҳәеит ахьшәшәарақәа иаҳзаанаго аҳауатә ҭагылазаашьа атәы.
Абнаҿы изызҳауа абынҳаҵла азҩыдарақәеи, ахархәарас ирымоуи ртәы дазааҭгылоит Аԥсуаҭҵааратә институт афольклортә лабораториа аусзуҩ Сусанна Ҭаниаԥҳа.
Ԥсҳәы ақыҭа ахада Даниил Зыхәба арадио Sputnik аефир аҟны еиҭеиҳәеит сынтәатәи аӡын, асоурақәа ақыҭауаа ишырхырго атәы.
Лыԥсадгьыл ахь илымоу агәҭахәыцрақәеи, лнапы злаку аусқәеи дырзааҭгылоит Аԥсны иааны иҟоу, Ҭырқәтәыла инхо ҳџьынџьуаҩ Иульқьиу Ашәԥҳа.
Атәыла ахада иалхрақәа рзы азакәан ианаамҭоу ирыдыркылар ахәҭоуп, ҳәа игәаанагара арадио Sputnik аҟны иҳәеит ААУ азиндырратә факультет адекан, азинтә ҭҵаарадыррақәа ркандидат, адоцент Сергеи Смыр.
Аԥсуаа ианакәызаалакгьы ашәарыцара рыԥсҭазаара иахәҭакын. Иахьагьы уи бзиа избо ауаа маҷымкәа иҟоуп. Игәашәҭа ашәарыцара иазку ажәақәа ахьынӡажәдыруа.