Новости за 14.02.2020

Иԥшьоу Валентин имш азы Sputnik Аԥсны ирыдҵаалеит, шәышықәсабжа инеиҳаны зҭаацәаратә насыԥ ҿырԥшыгоу хаҵеи ԥҳәыси реизыҟазаашьа маӡас иаҵоу еилнакаарц.

Гәдоуҭа араион аинформациатә ҟәша аиҳабы Енвер Арџьениа арадио Sputnik Аԥсны аефир аҿы еиҭеиҳәеит араион аҿы амшцәгьақәа раан амаҵзурақәа ҷыдақәа имҩаԥыргоз аусурақәа ртәы.

Москватәи аипподром аҿы аԥсуа команда ақәгылара аҽшазнархио, урыстәылатәи апублика ирыдыргалараны, изладыршанхараны иҟоу уҳәа ртәы шәаԥхьа Sputnik аматериал аҟны.

Аԥснытәи акапелла Шәача имҩаԥысуа Аӡынтәи афестиваль аҟны иқәгылоит ахортә опера "Бориси Глеби рзы ажәабжь ду" иаланы.

Ахәыҷтәы хәышәтәырҭа ҿыц Аҟәа идыргылоит 2022 шықәсанӡа Аинвестпрограмма аҳәаақәа ирҭагӡаны. Уи ҟалоит ареспубликатә хәышәтәырҭа аҵакыраҿы, ахәышәтәырҭатә қалақь иахәҭакны, абри атәы арадио Sputnik Аԥсны аефир аҿы иҳәеит Ахәыҷтәы хәышәтәырҭа аҳақьым хада Игор Џьопуа.

Мордовиа аҳҭнықалақь Саранск хәажәкыра 28 инаркны мшаԥы 3-нӡа имҩаԥысуеит ХV Жәларбжьаратәи аурыс драматә театрқәа рфестиваль "Аџьынџьуаа".

Жәабранмза 1840 шықәса рзы Аҟәа раԥхьаӡа акәны иаартын Аботаникатә баҳча. Уи аиҳабы Едуард Гәбаз арадио Sputnik аефир аҟны еиҭеиҳәеит Аҟәатәи аботаникатә баҳча абеиара атәы.

Урыстәылатәи АИХқәа рҟны ицәырҵит аинформациа Аԥсны Аҵәахырҭатә банк уаанӡатәи ахантәаҩы дааныркылеит ҳәа.

Жәабран 12, Аҟәа, Адлеиба имҩаҿы аԥҳәыс машьынала илысит, илоуз ааха иахҟьаны уи аҭыԥ аҿы лыԥсҭазаара далҵит.

Жәабранмза 14 Бзиа еибабо рымш аҽны есышықәса Гагра араион аҿы ақьаӷьариа Нанули Басныкԥҳа еидылкылоит аҭаацәара иаламлац, еилыҵхьоу уҳәа еиуеиԥшым араионқәа рҟнытә аҭыԥҳацәеи арԥарцәеи.

Аԥсны атәылауаа агәаран иқәымгылакәа аҳәаанырцәтәи атәылауаҩшәҟәқәа рыԥсахырц азы аҿыцрақәа аԥшьгоуп.