Новости за 29.04.2021

Аԥсны раԥхьаӡа акәны аҭыхра иалагеит акомедиатә сериал "Ихьыԥшым" ("Независимый"), уи апродиусерси ароль хада анагӡаҩыси дыҟоуп Ҭемыр Ҭаниа.

Гагра араион акультура аҟәша аиҳабы Мадина Бганԥҳа арадио Sputnik аефир аҟны арубрика "Раионк аԥсҭазаараҟнытә" аҳәаақәа ирҭагӡаны еиҭалҳәеит Аџьынџьтәылатә еибашьра Ду алахәцәа рыхьӡала игылоу абаҟақәа араион аҟны хылаԥшра ахьынӡарымоу ртәы.

Аепидемиа иалагеижьҭеи Аԥсны акоронавирус зцәа иаланы иаадырԥшыз ауаа рхыԥхьаӡара 14494-ҩык ыҟоуп, ргәы бзиахеит 13517-ҩык, рыԥсҭазаара иалҵит 222-ҩык.

Азинеилагаҩ, закәаншьаҭада аҳәынҭқарратә ҳәаа иахысуа 200 нызқь мааҭ ахараԥса иқәырҵоит ма ҩышықәса рҟынӡа мчылатәи аусура идырҵоит, ма иара убри аамҭала ҭакрала ихиргароуп.

Иахьатәи аамҭазы акоронавирус хызҽуа урыстәылатәи алаҵа "Спутник V" ззеиԥш уааԥсыра х-миллиардк еиҳау адунеи атәылақәа 60 рҟны иазыразуп.

Ауаажәларратә палата алахәылацәа реиҭалхра ҵаҵӷәыс иаиуит уаанӡатәи алахәылацәа ҩыџьа аҳәынҭқарратә маҵзурақәа рахь иахьиасыз.

Аԥсуаа традициала Чачхадыл (Чхадыл) шазгәарҭои уи аҷыдарақәеи ртәы арадио Sputnik аефир аҟны далацәажәеит аҵарауаҩ-аетнолог, Аԥсуаҭҵааратә институт аиҳабы Арда Ашәба. Ауаажәларратә усзуҩ Гәыгәыца Џьыкырԥҳа еиҭалҳәеит Чхадыл иадҳәалоу аҵасқәа рҭаацәараҿы ишынарыгӡо атәы.

Жәларбжьаратәи акциа "Аиааира адиктант" Урыстәылеи егьырҭ атәылақәеи рҟны Аџьынџьтәылатә еибашьра ду аҭоурых шырдыруа агәаҭара алнаршоит.

Ахра Аҩӡбеи ихьчаҩцәеи харас ирыдырҵоит уаанӡа еиқәшаҳаҭханы абџьари аџьаԥҳани урҭ рыхәҭақәеи, арҭҟәацгақәеи азакәаншьаҭа рымамкәа раахәара, рыҵәахра, рымҩангара, рныҟәгара.

Мшаԥы 26 рзы заанаҵы ихыркәшахеит ЕгрыГЕС аҟны аремонттә усурақәа, ареспублика астанциаҟынтә афымцалашара аиуа иалагеит.

Аҟәа ақалақь ахадара агәабзиарахьчара аусбарҭа аиҳабы Ирма Воуԥҳа арадио Sputnik аефир аҟны еиҭалҳәеит ҳаамҭаазы ачымазараҿкы COVID-19 аганахьала аҳҭнықалақь аҟны аҭагылазаашьа зеиԥшроу, амҽхак иҵегь аҽарҭбаар аҳақьымцәа ахьынӡеизибархо атәы.

XXVIII ашьапылампыл азы Аԥсны ачемпионат иалахәуп акомандақәа ааба: "Саӡ" – Цандрыԥшь, "Гагра" – Гагра, "Афон" – Афон ҿыц, "Риҵа" – Гәдоуҭа, "Динамо" – Аҟәа, "Нарҭ" – Аҟәа, "Самырзаҟан" – Гал, "Шахтиор" – Тҟәарчал.

Асапиорцәа аҽазыҟаҵарақәа рышьҭахь идрыцқьараны иҟоу аҵакыра 12 гектар инеиҳаны иҟоуп.

Аԥсны аԥыза-министр ихаҭыԥуаҩ, аекономика аминистр Кристина Озгани Урыстәыла аенергетика аминистр ихаҭыԥуаҩ Евгени Грабчаки Москва аиԥылара рыман.

Аԥсны акультура аминистр Гәдиса Агрба усутә визитла Нижни Новгород дыҟоуп, мышқәак ирылагӡаны аиԥыларақәа акымкәа-ҩбамкәа имҩаԥигахьеит.

Аџьазы аҳәынҭқарратә инспекциа аспециалист Нарсоу Кәыбраа арадио Sputnik аефир аҟны еиҭеиҳәеит иахьазы ари аилазаара Аԥсны аус шынанагӡо, аџьа иазку азакәанԥҵара аилагарақәа ртәы.

Атуроператорцәа лаҵарамзазы еиҳа ибиуџьеттәу ахырхарҭақәа ҳәаақәырҵеит, атурпакетқәа рыхәԥса азҳарагьы анализ азыҟарҵеит.

Аԥыза-министр ихаҭыԥуаҩ, аекономика аминистр Кристина Озган мшаԥы 27 рзы Москваҟа усутә визитла дцеит.

Аԥсны агәабзиарахьчара аминистри Урыстәыла асанитартә ҳақьым хадеи Шәача еиԥылоит мшаԥы 30 рзы.