UFC уюмунун экс-мушкери Хабиб Нурмагомедов футбол жылдыздарынын кимиси ММА спортунда кандай ийгиликке жетерин айтты. Жеңилбес чемпион 2000-жылдардагы футболчуларды мисалга алды.
Тайвандагылар поюздун темир жолдун таманынан чыгып кетишинен улам орун алган кырсык маалында өмүрүнөн айрылгандардын азасын күтүүдө. Тынч океандагы чакан арал өлкө болгон Тайвандагы акыркы ондогон жылдардагы эң алааматтуу темир жол кырсыгы болуп калган бул окуяда 50 киши өмүрүнөн айрылды. Куткаруу топтору 3-апрелде рельстен чыгып кеткен жүргүнчү поюздун бырын-чырын болгон вагондорун темир жолдун сыртына чыгаруу жумуштарын уланышты. Жумуриятта желектер жарым-жартылай түшүрүлүп, курман болгондорду... Читать дальше...
4-апрелде түнкүсүн жаан-чачын күтүлбөйт. Күндүз Чүй, Талас, Ош, Жалал-Абад, Баткен облустарынын көпчүлүк аймактарында, Нарын облусунун кээ бир райондорунда жаан, тоо этектеринде жана тоолуу райондорунда кар жаайт. Ысык-Көл облусунда жаан-чачын күтүлбөйт. Тоолуу райондордо жолдор тоңголок, тайгак болот. Батыштан соккон шамалдын ылдамдыгы секундасына 4-9 метрден, күндүз кээ бир райондордо 15-20 метрге жетет. Абанын температурасы: Чүй жана Талас облустарында түнкүсүн 1...6, күндүз 18...23, Баткен... Читать дальше...
“Улуттар Биримдиги” саясий партиясынын жетекчиси Мелис Мырзакматов 3-апрелде Ош шаарынын борбордук аянтында эл менен жолугушкан учурда алдыдагы жергиликтүү кеңештерге шайлоолордо негизги атаандашы болгон "Ата Журт - Кыргызстан" партиясын "адмнистративдик ресурс колдонуп жатат" деп сындап чыкты: “"Ата-Журт Кыргызстан” партиясы өткөн жылдагы октябрь окуясын эсинен чыгарды. Ошол учурда борбордук аянтка чогулган эл мэр менен өкмөт өкүлүн кууп чыкпады беле. Аны беш күндө унутушту. Ар кайсы жерде биз бийликтин партиясыбыз деп үгүт кылып жүрүшөт. Читать дальше...
Европа Биримдиги АКШнын экс-президенти Доналд Трамптын өкмөтүнүн Ооганстандагы согуш кылмыштарын иликтөөгө байланыштуу Эл аралык Кылмыш сотунун (ЭКС) башкы прокуроруна каршы киргизген чектөөлөрүн азыркы америкалык өкмөттүн алып салышын кубаттап чыкты. 3-апрелде Европа Биримдигинин тышкы саясат боюнча өкүлү Жозеп Боррелл билдирүү жарыялап: "Бул маанилүү кадам АКШнын эл аралык эрежелерге негизделген системага берилгендигин баса белгилейт", – деди. "ЭКС (ICC) дүйнөдөгү эң үрөй учурган кылмыштардын... Читать дальше...
"Азаттык" үналгысында көп жылдар бою эмгектенип жүрүп, эс алууга чыккан журналист Жаркын Суран кызы Темирбаева 3-апрелде 66 жашында узак оорудан улам көз жумду. Анын жаркын элеси өзү жарыялаган жана обого чыгарган эмгектеринде, замандаштарынын жүрөк толтосунда жана фото сүрөттөрдө да калды.
Өкмөт “Коопсуз шаар” долбоорунун алкагында жол эрежесин бузгандарга карата айыл пулду төмөндөтүүнү пландап жатат. Мындай демилге Кыргызстандагы социалдык-экономикалык кризис учурунда кабыл алынды. Бул тууралуу бүгүн, 3-апрелде премьер-министр Улукбек Марипов "Фейсбуктагы" баракчасы аркылуу түз эфирде билдирди. “Азык-түлүк, күйүүчү май кымбаттап жатат. Биз муну туура кабыл алып, президентибиздин тапшырмасы менен жол эрежесин бузгандардын айыл пулдарын азайтуу ишин жүргүзүп жатабыз. Азыр токтомдун долбоору иштелүүдө. Читать дальше...
Бүгүн, 3-апрелде Түштүк Кореянын Улуттук жыйынынын төрагасы Пак Бёнг Сок Кыргызстанга расмий иш сапары менен келди. Бул тууралуу Жогорку Кеңештин басма сөз кызматы кабарлады. Пак Бёнг Сок 3-5-апрель күндөрү Кыргызстанда бир катар жогорку деңгээлдеги жолугушууларды өткөрөт. Ошондой эле корей делегациясы Ысык-Көл облусуна барып, аймактын туристтик мүмкүнчүлүктөрү менен таанышат. 2019-жылы Түштүк Кореянын ошол кездеги премьер-министри Ли Нак Ён баштаган расмий делегация расмий сапар менен Бишкекке келип кеткен. Читать дальше...
Ирандын Тышкы иштер министрлиги өзөктүк келишим боюнча талаштан улам келип чыккан АКШнын чектөөлөрүнүн бара-бара алынып салынышы вариантын 3-апрелдеги билдирүүсүндө четке какты. Ирандын Тышкы иштер министрлиги өлкөгө каршы киргизилген чектөөлөрдүн бир нече баскычта алынып салынышы вариантын четке кагууда. Бул тууралуу өкмөт тарабынан каржыланган «Press TV” компаниясы 3-апрелде Тышкы иштер министрлигинин басма сөз катчысынын сөзүнө шилтеме берүү менен кабарлады. Тышкы иштер министрлигинин басма сөз өкүлү Саид Хатибзаде... Читать дальше...
Бабур атындагы Ош мамлекеттик академиялык өзбек музыкалык драма театрын Өзбекстан оңдоп берет. Бул тууралуу театрдын жетекчиси Азам Абдуразаков «Азаттыкка» билдирди. Анын айтымында имаратты оңдоого 37,5 миллион сом каражат коротулушу күтүлүүдө. «Бул маселе президенттин иш сапарында көтөрүлдү. Бабур театрынын имараты 1979-жылы курулуп, пайдаланууга тапшырылган. Андан кийин капиталдык оңдоп-түзөөдөн өткөрүлгөн эмес». Өкмөт 2020-жылы театрды оңдоого бюджеттен акча бөлгөн. Бирок пандемияга байланыштуу оңдолбой калган. Читать дальше...
Алааматтуу «COVID-19» илдетине каршы мурда эмделген Аргентинанын президенти Алберто Фернандес 3-апрелде (Аргентина убактысы боюнча 2-апрелде) коронавируска чалдыккандыгын маалымдады. Президент Фернандес өзүнүн «Твиттердеги» баракчасына: "Бүгүн түнгө маал табым 37,3 градуска чейин көтөрүлүп, бир аз башым ооруп, антитулкуга анализ тапшырдым, анализ оң чыкты", – деп жазды жана диагнозун тастыктоо үчүн ПЧР сынагынын натыйжаларын күтүп жаткандыгын кошумчалады. Фернандес коронавируска каршы Орусияда... Читать дальше...
2-апрелде Түркиянын Хатай шаарында эл аралык ТҮРКСОЙ уюмунун сейил багы ачылды. Сейил бак Түрк тилдүү мамлекеттердин эгемендүүлүгүнүн 30 жылдыгына арналган. Ачылышка Кыргызстан, Казакстан, Өзбекстан, Түркмөнстан жана Азербайжандын Түркиядагы элчилери катышты. 11 миң чарчы метрди түзгөн сейил бакта түрк тилдүү мамлекеттердин акындары менен катар, залкар жазуучу Чыңгыз Айтматовдун айкели, сүрөт галлереясы орун алган. ТҮРКСОЙ эл аралык уюму 2018-жылды «Чыңгыз Айтматов жылы» деп жарыялаган. Ушундан... Читать дальше...
Президент Садыр Жапаров бүгүн, 3-апрелде Баткендеги Бужум аскер полигонуна келип, «Коопсуздук — 2021» жана «Калыптандыруу Түштүк — 2021» командалык-штабдык жана мобилизациялык машыгуулардын жыйынтыктоочу фазасына байкоо салды. Президенттин сайтындагы маалыматка ылайык, Садыр Жапаров дүйнө жүзүндө конфликттик потенциал курчуп, эл аралык терроризмдин, экстремизмдин коркунучу күчөп, трансулуттук уюшкан кылмыштуулук менен радикализмдин идеялары жайылып жатканын белгилейт. Ал мындай шартта мамлекеттүүлүктү бекемдөө... Читать дальше...
Иран жана дүйнөлүк ири дөөлөттөрдүн өкүлдөрү 2-апрелде Ирандын өзөктүк келишими боюнча виртуалдык жыйынды 6-апрелде Венада өткөрүү тууралуу чечишти. Бул чечим жөнүндө Европа Биримдиги өз билдирүүсүндө маалымдалды. Иран жана аны менен мурда келишимге кол койгон ири дөөлөттөр АКШнын бул келишимге кайтып келишин кубаттоого даяр экендиктери жогорудагы билдирүүдө кошумчаланды. Билдирүүдө келишим катышуучулары “Биргелешкен ар тараптуу аракеттер планы” (“БААП”) деп аталган өзөктүк келишимди сактап... Читать дальше...
"Азаттык" радиосунда көп жыл эмгектенип жүрүп эс алууга чыккан журналист Жаркын Суран кызы Темирбаева 3-апрелде 66 жашында узак оорудан улам көз жумду. Ал өткөн жылы октябрь айында жүрөгүнөн операция болгон. Жаркын Суран кызы 1955-жылы Өзгөн районунун Көлдүк айыл өкмөтүнө караштуу Тоо-Дыйкан айылында туулган. Ал айтылуу Салижан Жигитовдун жердеши болгон. Жусуп Баласагын атындагы Кыргыз улуттук университетинин (мурдагы КМУнун) филология факультетинде журналистика адистигинде окуган. Журналисттик... Читать дальше...
Сумо күрөшү боюнча эл аралык категориядагы калыс, курама команданын машыктыруучусу Эмирлан Качкымбаев Кыргызстанда сумо күрөшү менен кыздар да машыгып, мелдештерге катыша баштаганын айтты.
Instagram баракчадагы билдирүүдө команда кичи автобус менен Ош шаарынан 1-апрелде чыгып, 2-апрель күнү түнкүсүн Бишкекке жеткени айтылат.
Улуттук коопсуздук комитетинин (УКМК) Бишкек шаардык башкармалыгынын башчысы болуп Салмоорбек Жумабеков дайындалды. Бул маалыматты укук коргоо органдарындагы булактар ырасташты. Атайын кызмат азырынча расмий маалымат тарата элек. Салмоорбек Жумабеков Бишкек шаардык травматология жана ортопедия илимий-изилдөө борборунун жетекчиси, дарыгер Сабырбек Жумабековдун уулу. Айрым маалыматтарга ылайык, ал Орусиядагы чалгын акамедиясын бүтүргөн. Буга чейин УКМКнын Коррупцияга каршы кызматын жетекчилик кызматында иштеген. Читать дальше...
Эл аралык республикалык институт (IRI) Кыргызстандын социалдык абалы тууралуу жүргүзгөн изилдөөсүн жарыялады. Сурамжылоо 21-февралдан 5-мартка чейин уюк, стационардык телефон аркылуу жүргүзүлгөн. Ага Кыргызстандын бардык облус, район, калктуу аймактаран 1200 адам катышкан. Кыргызстандыктар (59%) эң олуттуу көйгөй катары жумушсуздукту белгилешкен. Экинчи көйгөй катары коррупция (50%) айтылса, азык-түлүктүн кымбатташына кабатырлангандар (48%) түзгөн. Андан кийин билим берүү (28%), коронавируска (27%) тынчсыздануусун билдиришкен. Читать дальше...
“Абак азабы” долбоорунун кезектеги коногу 2009-жылы “Петровка жаңжалын уюштурган” делип камакка алынган Эркин Бөлөкбаев. “Жашылдар” партиясынын лидери УКМКнын абагында 106 күн жалгыз кармалганын, кримчөйрө менен бийликтин байланыштарын айтып берди.
Президент Садыр Жапаров Улуттук коопсуздук боюнча мамлекеттик комитетке (УКМК) 2010-жылы болгон июнь окуясындагы материалдарды иликтөөнү тапшырды. Бул тууралуу президенттин басма сөз кызматынын өкүлү Айнура Эргешова "Азаттыкка" билдирди. «Президент 2010-жылы өлкөнүн түштүгүндө жүздөгөн жарандар каза болгон, адамдар жарадар болуп, жабыркаган кайгылуу июнь окуяларын иликтөөнү УКМКга тапшырды. Жүргүзүлгөн иштин жыйынтыгы боюнча кабыл алынган чечимдер тууралуу толук маалымат берүү жана мыйзамдуулукту сактоо тапшырмасы берилди». Читать дальше...
Коронавируска каршы республикалык ыкчам штабдын бүгүнкү, 3-апрелдеги маалыматына караганда, соңку бир сутка вирус дагы 142 адамдан табылды. Көбү Бишкек шаарында (90) жана Чүй облусунда (44). Илдеттен эки адам каза болду. Жалпысынан өлкөдө коронавирустан каза болгондор 1502 адамга жетти. Кыргызстанда коронавирусту жуктургандардын саны 88 842 адам. Бир күндө 82 адам айыгып чыкты. Учурда ооруканада 564 адам илдет менен алышып жатат. Өлкөдө коронавируска каршы эмдөө 29-мартта башталды. Алгач Бишкек... Читать дальше...
Президент Садыр Жапаров бүгүн, 3-апрелде Баткендеги иш-сапарынын жүрүшүндө аскердик машыгуунун акыркы этабына байкоо салууда. Жапаровдун түштүк региондорго эки күндүк сапары бүгүн башталды. Президенттин басма сөз кызматы билдиргендей, анын алкагында Баткен облусундагы энергетика жана өнөр жай объектилерин кыдырат. Андан кийин сапар Ош облусунда уланат. Баткенде «Коопсуздук — 2021» жана «Түштүктү калыптоо — 2021» деп аталган аскердик машыгуулар 1-апрелде башталган. Коргоо министрлиги Баткен... Читать дальше...