Эки жыл мурда кыргыз-тажик чек арасындагы куралдуу жаңжалда каза тапкан жоокер Жеңишбек Иманбек уулунун тагдырына арналган "Ыйык жандар" спектакли борбордо биринчи жолу көрүүчүлөргө тартууланды. Аны Апаз Жайнаков атындагы Баткен облустук музыкалык-драма театры койду.
Казакстан парламентинин төмөнкү палатасы 22-майда Түрк мамлекеттер уюмуна мүчө өлкөлөрдүн ортосундагы жүк ташууларды жеңилдетүү боюнча келишимди ратификациялады. Эми Кыргызстан, Казакстан, Өзбекстан, Азербайжан жана Түркия ортосунда товар ташыгандар жөнөкөйлөштүрүлгөн бажы коридорунан өтүшөт.
24-майда Кыргызстанда жана дүйнөдө эмне болду? “Азаттык” күндүн башкы жаңылыктарын тизмектейт.
Аскердик прокуратура учурда №1 тергөө абагында отурган акын жана активист Аскат Жетигендин атайын кызматтын шаардык бөлүмүндө кыйноого кабылганы тууралуу арызын териштирип бүтө элек.
Апта башында Оштун Араван районундагы айылдардын биринде жүздөн ашык киши чогулуп, жайыт жерди жеке колго берүүгө каршылык билдирип чыкты. Алар жайыт жерлер улам тарып баратканын, мурда дагы бир топ жер берилип кеткенин айтууда.