د افغانستان بهرنیو چارو وزارت: ترکمنستان ۱۲۶ افغان بندیان خوشې کوي
د افغانستان د بهرنیو چارو وزارت نن شنبه د یوې اعلامیې په خپرولو ویلي چې د ترکمنستان ولسمشر قربانقلي بردي محمدوف د دواړو هېوادونو ترمنځ د ښو اړیکو او حسن نیت لپاره د کوچني اختر په مناسبت د دغو بندیانو د خوشې کېدو فرمان ورکړ.
د اعلامیې له مخې تمه ده دغه بندیان د دوشنبه په ورځ د ثور ۲۹ یاد بندیان په آقینه او تورغنډۍ بندرونو کې افغان سرحدي ځواکونو ته ورتسلیم شي.
د افغانستان د بهرنیو چارو وزارت د ترکمنستان د دې اقدام ستاینه کړې او د دواړو هېوادونو پر لا پیاوړو اړیکو یې ټینګارکړی دی.
په اعلامیې کې نه دې راغلي چې دغه بندیان په کومو جرمونو په ترکمنستان کې بندیان دي.