پروان کې یو ځل بیا د وارداتي برېښنا یوه پایه الوزول شوې
د پروان د والي ویاندې وحیدې شهکار نن ازادي راډیو ته وویل، د چارېکار د ښار په لومړۍ ناحیه کې نن سهار د شپږو بجو خوا ته د ځای پر ځای شوي ماین چاودنه وشوه چې پایهیې ورانه کړه.
د پروان د برېښنا شرکت رئیس روحالله ساجد وویل چې د دې پایې د ترمیم چارې پيل شوې دي.
پولیس وایي، د دې پېښې په تړاو دوه مشکوک کسان نیول شوي دي.
له تاجکستان او ازبکستانه د وارداتي برېښنا د ستنو د تخریب هڅې په وروستیو کې زیاتې شوې دي.