ایران کې د کسب او کار، تاریخي ځایونو او زیارتونو د بیا پرانستو اجازه ورکړل شوه
حسن روحاني نن ( شنبه) له کرونا ویروس سره د مبارزې په اړه یوې ځانګړې غونډه کې وویل، سر له سبا د اختر په پېل سره د تاریخي ځایونو او موزیمونو دروازې د خلکو په مخ خلاصېږي.
ښاغلي روحاني وویل، له دې یوه ورځ وروسته د مې په ۲۵مه نیټه به زیارتونه هم پرانستل شي.
هغه زیاته کړه: "کومې پرېکړې چې په نننۍ جلسه کې وشوې، یوه برخه یې زمونږ په فرهنګ او ټولنې پورې تړلې، دا پرېکړې د مقدسو او ځینو نورو ځایونو د بیا پرانستنې په اړه دي."
د ایران ولسمشر ټینګار وکړ چې د ټولنیز واټن اصول او روغتیایي سپارښتنې به په کلکه عملي کېږي.