د امریکا د هوايي ځواکونو یو پیلوټ په شمالي بحیره کې لادرکه شو
دا جټ چې یو پیلوټیې درلود د انګلستان له ختیځه د برېټش رویال هوایي ځواکونو له اډې څخه الوتلې او په تمریناتي عملیاتو بوخته وه.
دا په بریتانیا کې د امریکا د هوایي ځواکونو تر ټولو لویه اډه ده چې څه باندې ۴،۰۰۰ امریکایي پرسونل پهکې دېره دي.
د دې ځواکونو کپټان مراندا سیمونز وویل، د سقوط علت او د پیلوټ په اړه معلومات تر اوسه نهشته او د بریتانیا څخه د لټون او ژغورنې په برخه کې د همکارۍ غوښتنه شوې ده.
بې بي سي راپور ورکړی چې باور دا دی چې الوتکه د ختیځ یارک شایر ساحل په ۱۳۷ کیلومترۍ کې لوېدلې وي.
سکای نیوز د الوتنو د څار د یوې وېبپاڼي په حواله ویلي چې دغه الوتکه تر لادرکه کېدو دمخه په سیمه کې ګرځېدلې وه.