میدان وردګ کې د کچالو او پیازو ۱۴۰ سړې خونې پرانیستل شوې
د دغه ریاست رئیس ولید احمد تسل نن ازادي راډیو ته وویل، چې د دغو سړو خونو پروژه د اسیا پراختیایې بانک د ۸۲ میلیونه افغانیو په ارزښت پلي کېږي.
نوموړي وویل چې په دې کې ۱۰۹ د کچالو او ۳۱ د پیازو سړې خونې دي.
د میدان وردګو ولایت د کرنې وزارت وایي، دا به د کروندګرو د کروندو په ساتلو او بازار ته د وړاندې کېدو لپاره ګټور رول ولري.
د دوي په وینا کروندګر کولای شي د دې پروژې په پلې کېدو سره خپل ۱۶۳۵ مټریک ټنه کچالو او ۶ سوه مټریک ټنه پیاز په دې سړو خونو کې زېرمه کړي.