جوزجان کې ماین چاودنې ۱۴ کلن هلک وژلی
په همدې ولسوالۍ کې په بله چاودنه کې یو د پاخه عمر سړی او یو شپږ کلن ماشوم زخمیان شوي دي.
چاودنې د جوزجان په منګجیک ولسوالۍ کې د سړک پر غاړه شوې ده.
د منګجیک ولسوال، مطیعالله احسال پرون (د جون ۲۷مه) ازادي راډیو ته وویل: "په دواړو ځایونو کې وسلهوالو طالبانو د حکومتي ځواکونو موټرو ته ماینونه ایښي وو.
په جوزجان کې چارواکو ویلي چې تر دې وړاندې ۶ ملکي وګړي د مردیان په ولسوالۍ کې د سړک پر غاړه د ماین په چاودنه کې ووژل شوو.
وسلهوالو طالبانو په منګجیک ولسوالۍ کې د چاودنې په اړه خبرې نهدي کړي، خو په مردیان ولسوالۍ کې په چاودنه کې یې لاس لرل رد کړی و.