ملي امنیت ریاست: کابل کې د حقاني شبکې د یو لوی برید مخه ونیول شوه
د ملي امنیت ریاست د سې شنبې په ورځ په یو بیان کې ویلي د کابل په ۱۲مه ناحیه کې یې هغه هینو موټر چې له چاودېدونکو موادو بار و، نیولی دی.
په بیان کې وړاندې ویل شوي چې د حقاني شبکې دوو تنو د دې شبکې د مشرتابه په امر غوښتل په کابل کې د چاودېدونکو موادو بار دې موټر په وسیله لویه چاودنه وکړي چې مخهیې نیول شوې ده.
په کابل کې د دې چاودنې د مخنیوي خبر په داسې حال کې ورکول کېږي چې د کوچني اختر تر درې ورځني اوربند وروسته په افغانستان کې تاوتریخوالی زیات شوی.
نړیوالې ټولنې، افغان چارواکو او د بشري حقونو ملاتړو سازمانو له طالبانو غوښتي چې د بینالافغاني خبرو تر پیل مخکې دې تاوتریخوالی راکم کړي.