تمه د امریکا کانګرس د ټاکنو د الکترول کالج رایي تایید کړي
په دې ټاکنو کې د ډیموکراتانو کاندید جوبایډن د جمهوري غوښتونکو کاندید ډونالډ ټرمپ ته ماتې وکړې ده.
د دې نتیجې تایید، د بایډن له خوا د جنوري په شلمه د لوړې تر مراسمو مخکې وروستی رسمي ګام دی او پخوا په معمول ډول دا غونډه ترسره کیده، خو سږکال د دې لپاره لانجمنه شوې ده چې ټرمپ نتیجه رد کړې ده.
همدا راز د جمهوري غوښتونکو لږ تر لږه ۱۴ سناتورانو او د دې ګوند د استازیو جرګې یوسل او څلویښت غړیو ویلي دي چې د یو شمېر ایالتونو نتیجې به وننګوي.