تخار کې د کونګفو ۱۱م کلپ په فعالیت پیل وکړ
د کونګفو فدارسیون رئیس حبیب الرحمن فایزي نن سې شنبه (د سلواغې ۱مه) ازادي راډيو ته وویل چې دغه کلپ د ورزشي مسوولینو په حضور کې تېره ورځ پرانېستل شو.
نوموړی وايي چې په لومړي سر کې په دغه کلپ کې د دوو استادانو له لوري ۳۰لوبغاړو ته تمرینونه ورکول کېږي او وروسته به دغه شمېر زیات شي.
ښاغلی فایزي زیاتوي چې دم ګړۍ په ټول افغانستان کې د کونګفو ورزش په برخه کې ۴۵۰ کلپونه فعال دي.