فوټبال؛ پامیر لوبډلې په هرات کې د اتلوالي جام وګاټه
د هرات ولایت د روزشي ادارې فني مسول ضیاالحق ضیا نن پنجشنبه (د سلواغې ۲مه) ازادي راډيو ته وویل چې دغه سیالۍ له تېرو دوو میاشتو راهیسې د ۲۴ لوبډلو ترمنځ روانې وې.
ښاغلی ضیا زیاتوي، په یادو سیالیو کې د پامیر او سرخ پوشانو لوبډلې توانېدلې وې چې پای لوبو ته لاره پیدا کړي.
د پامیر او سرخ پوشانو ترمنځ وروستۍ لوبه تېره ورځ وشوه چې په پایله کې پامیر درې د دوه په مقابل کې سرخ پوشانو لوبډلې ته ماته ورکړه او د سیالو اتلوالي یې خپله کړه او په ترتیب سره سرخ پوشانو او ارش کمیل لوبډلو دوهم او درېیم مقامونه ترلاسه کړل.