د هند پلازمېنه له امنیتي پلوه د تیارسی په حال کې دی
په لسګونو زره بزګران چې له دوو میاشتو راهیسې یې د کرنې په برخه کې د اصلاحاتو پرضد اعتراضونه پیل کړي دي، د پلازمېنې په لمنو کې راغونډ شوي دي.
له پولیسو سره د شخړو پرمهال پرون یو اعتراض کوونکی ووژل شو او په لسګونو پولیس ټپیان شول.
د هند دولت وایي، د کرنې په برخه کې اصلاحات به د زراعتي سکتور د ازادۍ، د پلور په قوانینو کې د نرمښت او د زراعتي محصولاتو د زېرمه کولو سبب شي.
خو بزګران دا وېره لري چې له دې بدلونونو سره به دوی د ځانګړیو شرکتونو تر واک لاندې شي او ګټې به یې د هغوی شي.