چارواکي: په بغلان کې ۱۳ طالب وسله والو ته مرګ ژوبله اوښتې
جنرال ویس احمد صميمي آزادۍ راډیو ته وویل، افغان دفاعي امنیتي ځواکونو دا وسله وال پرون- پنجشنبې پلخمري ښار ته نژدې په نښه کړل.
هغه وویل: "په بغلان کې د ملي اردو، پولیسو او ملي امنیت د فعالیت په نتیجه کې دښمن ته درې ضربې ورکړل شوې چې په نتیجه کې یې اوه وسله وال وژل شوي او شپږ ټپیان دي. په مړو او ټپیانو کې د دوی سرګروپان هم شامل دي."
طالبانو تراوسه د دې نښتې په اړه څه نه دي ویلي.
د افغانستان د جګړې ښکېل اړخونه تل یوبل ته د درنو تلفاتو د اړولو ادعاوې کوي.