کونړ چارواکي: طالبانو د یوه قوماندان په ګډون خپل ۵ وسله وال ملګري وژلي
د کونړ د امنیه قوماندانۍ ویاند فریدالله دهقان نن ازادۍ راډیو ته وویل، چې د ضیاالرحمن په نوم د طالبانو نظامې مسئول تېرماښام په دېوه ګل سیمه کې له خپلو څلورو ملګرو سره د طالب وسله والو په کمین کې ووژل شو.
هغه زياتوي: "قوماندان ضیاالرحمن نظامي مسئول و. دی په یو شخصي کرولا کې روان و، په لاره کې بل ګروپ کمین ورته نیولی و. د دې قوماندان په ګډون پنځه کسان وژل شوي. په وژل شويو کسانو کې دوه ملکي موټرسایکل سپاره چې پر لاره روان و هم شامل دي."
طالبانو د دې ادعا په اړه تراوسه څه نه دي ویلي.