Новости за 01.03.2022

Ҳукумати Украина гуфт, нерӯҳои Русия манора ё бурҷи телевизионро дар Киев, дар наздикии ёдгории қурбониёни Ҳолокост, ҳадаф қарор додаанд.

Дастаи мунтахаби миллии футболи Тоҷикистон бо раҳбарии мутахассиси хорватӣ Петр Сегрт дар мусобиқаи байнулмилалӣ «Ҷоми Наврӯз-2022», ки рӯзҳои 25-ум ва 29-уми март дар шаҳри Намангони Узбекистон баргузор мешавад, ширкат хоҳад кард.

Фаъолони ҳифзи муҳити зисти созмони Осорхонаи экологии вилояти Қарағандаи Қазоқистон баъд аз нашри хабарҳо дар бораи бунёди нерӯгоҳи ҳастаӣ дар Узбекистон назарсанҷии интернетиеро анҷом додаанд.

Намояндагони баъзе аз бонкҳои Тоҷикистон гуфтанд, ки бурида шудани Русия аз низоми байнулмилалии SWIFT ба интиқоли пули муҳоҷирон таъсир нахоҳад дошт, аммо ба кори муассисаҳои молӣ "халал мерасонад". Дар Бонки Миллӣ гуфтанд, ба зудӣ масъаларо шарҳ медиҳанд.

Таҳримҳо ба зидди бонкҳои Русия, ки бо бонкҳои Тоҷикистон ҳамкории зиёд доранд, ба кори муассисаҳои молӣ, аз ҷумла муомилот таъсири манфӣ гузоштааст.

Рӯзи шашум аст, ки нерӯҳои Русия дар Украина ва ҳамакнун наздик ба пойтахт, шаҳри Киев, меҷанганд. Шурӯи музокироти миёни мақомоти Украинаву Русия дар хоки Беларус, ки нишонае аз сулҳу оташбас надорад, ҳам пеши роҳи ҷангро гирифта натавонист.

Теъдоде аз муҳоҷирони тоҷик дар Русия мегӯянд, бо вуҷуди ҷанг дар Украина амалиёти боздоштҳои бесабаби муҳоҷирон кам нашудааст. Ба қавли онҳо, маъмурони пулис ба санадҳо аҳамият намедиҳанд ва онҳоро дар боздоштгоҳ нигаҳ медоранд.

Раиси палатаи поёнии порлумони Қазоқистон Ерлан Кошанов пешниҳод кард, ки номи Ҳизби ҳокими "Нур Отан"-и ин кишвар ба "Амонат" иваз карда шавад.

Аз ҷанги Русия дар Украина панҷ рӯз гузашт. Мошинҳои сӯхтаву тирандозӣ дар ину он гӯша дигар ба як саҳнаи маъмулӣ дар Киеву дигар шаҳрҳо табдил шудаанд.

Чанде аз дипломатҳо, аз ҷумла аз Амрико, Иттиҳоди Аврупо ва Бритониё рӯзи 1-уми март суханронии Сергей Лавров, вазири корҳои хориҷии Русияро дар нишасти Шӯрои ҳуқуқи башари Созмони Милали Муттаҳид "бойкот" кардаанд.

Як муҳоҷир аз вилояти Фарғонаи Узбекистон 25-уми феврал бо нашри видеое дар Интернет хабар додааст, ки тавассути мошинҳои боркаши Вазорати дифои Русия ба шарқи Украина рафта, ҳоло дар ҳудуди Донбасс қарор дорад.

Федератсияи байналмилалии футбол ва Иттиҳоди созмонҳои футболи аврупоӣ қарор карданд, ки мунтахаби Русия ва ҳам тамоми бошгоҳҳои футболи Русияро аз ширкат дар мусобиқаҳои байналмилалӣ маҳрум кунанд.

Президенти Украина Владимир Зеленский рӯзи 28-феврал қарори вижае имзо кард, ки барои хоҳишмандони шомил шудан ба легиони байналмилалии мудофеа ҳаққи бевиза ворид шудан ба ин кишварро фароҳам мекунад.

Нерӯҳои ҳавоии Украина гуфтанд, рӯзи 28-уми феврал берун аз Киев панҷ ҳавопаймои ҷангии Русия ва як чархболро афтонданд, вале ин маълумотро феълан санҷидан имкон надорад.

Сафирони даҳҳо кишварҳо аз қатъномаи СММ пуштибонӣ карданд, ки, тибқи гузоришҳо, аз Русия талаб мекунад, ки ҷанги Украинаро билофосила бас карда нирӯҳояшро аз ин кишвар берун кунад ва ҳам билофосила аз паи ҳалли сулҳомези қазия шавад.  Ҷаласаи Маҷмаи кулли СММ, ки 28 феврал шурӯъ шуд, дар 20 соли охир аввалин бор ба таври изтирорӣ  ва дар таърихи 77-солаи СММ бори ҳафтум аст, ки барпо мешавад. Антонио Гутерреш, дабири кулли СММ баъди ин ҷаласа гуфт, ки “ҷанг дар Украина бояд хотима ёбад” ва ҳушдор дод... Читать дальше...

Ширкати Google Europe гуфт, ки дар робита бо ҳуҷуми Русия ба хоки Украина дастрасӣ ба саҳифаҳои расонаҳои давлатии русии  RT ва “Спутник”-ро дар YouTube масдуд мекунад. Google, ки молики YouTube аст, рӯзи 1 март дар як изҳороташ тавассути Твиттер навишт, ки қарор билофосила ба иҷро медарояд, ҳарчанд фурсате лозим мешавад, ки аз лиҳози техникӣ пурра иҷро шавад. Дар изҳорот инчунин омадааст, ки мутахассисони ин ширкат вазъро 24 соат дар рӯз назорат мекунанд, то дар сурати зарурӣ зуд даст ба иқдом зананд. Читать дальше...

Раҷаб Таййиб Эрдуғон, раисҷумҳури Туркия, дар мавриди ҳамлаи Русия ба Украина бо Александр Лукашенко, раҳбари худкомаи Беларус, гуфтугӯ кардааст. Беларус яке аз муттаҳидони наздики Русия аст.

Додситони Додгоҳи байнулмилалии ҷиноӣ дар Гаага Карим Хон гуфт, тафтишоти ҷиноятҳои эҳтимолии ҳарбӣ ва зиддиинсонӣ дар Украинаро оғоз мекунад.

Вазири корҳои хориҷии Амрико ҳангоми мулоқот бо ҳамтоёнаш аз чаҳор кишвари Осиёи Марказӣ, аз ҷумла Тоҷикистон, ҳамлаи Русияро ба Украина маҳкум карда, "қаблан тарҳрезишуда ва беасос" номидааст.

50 ронандаи мошинҳои боркаш аз Қазоқистон, ки дар Украина дармондаанд, аз ҳукумати кишвари худ дархости ёрӣ карданд. Ин ронандаҳо ҳоло дар шаҳри Киеви Украина ва ноҳияҳои атрофи он қарор доранд.

Кишварҳои Осиёи Марказӣ дар муайян кардани мавқеи худ дар баробари рӯйдодҳои Украина шитоб намекунанд. Коршиносон чунин мавқеъгириро талош барои нигоҳ доштани сиёсати хориҷии чандсамтӣ мешуморанд.

Дастаи «Истиқлол»-и Душанбе, қаҳрамони Тоҷикистон, ки дар доираи ҷамъомади таълимию тамринӣ дар Туркия се бозии санҷишӣ анҷом дод, дар дутоаш мағлуб шуда, як бозиро мусовӣ кард.

ФИФА ва УЕФА бошгоҳҳо ва мунтахаби Русияро аз ширкат дар ҳама гуна мусобиқаҳои байналмилалӣ маҳрум карданд.

Ба иттилои вазорати тандурустии он кишвар, рӯзи якшанбеи 27 феврал дар Узбекистон 106 ҳолат ва рӯзи шанбеи 26 феврал 125 ҳолат сабт шудааст.

Рӯзи 28 феврал 107 қирғизистониро аз Украина ба Маҷористон (Венгрия) бурданд.