Новости за 09.12.2022

Убайдулло Файзулло, раиси ноҳияи Ҷалолиддини Балхӣ, ки намояндаи раиси ҷумҳури Тоҷикистон дар маҳал маҳсуб мешавад, даргузаштааст. Дар ҳукумати ноҳия рӯзи 9-уми декабр ба Радиои Озодӣ гуфтанд, ки раиси ноҳия, ки бемории шабеҳи зуком доштааст, дар ҳамин рӯз ва ҳангоми интиқол барои муолиҷа ба Душанбе дар роҳ ҷон додааст.  Як манбаи дигар ба Радиои Озодӣ гуфт, ки Убайдулло Файзуллои 58-сола бо аломатҳои бемории илтиҳоби шуш бистарӣ шуда буд. Қарор аст, маросими дафни ӯ рӯзи 10-уми декабр дар зодгоҳаш... Читать дальше...

Додгоҳи олии Тоҷикистон дар муддати як ҳафта чаҳор фаъоли маданӣ, аз ҷумла як хабарнигору блогер аз Бадахшонро ба солҳои дарози зиндон маҳкум кардааст. Коре, ки мояи нигаронии вазорати умури хориҷии Амрико шуд.

Шурои Иттиҳоди Аврупо дастур додааст, то мақомоти иҷроияи иттиҳодия гуфтушунид бо Тоҷикистонро барои имзои созишномаи нави шарикии густурда ва ҳамкорӣ оғоз кунад.

Мэри Лолор, гузоришгари вижаи Созмони Милал барои ҳомиёни ҳуқуқ дар поёни сафараш ба Тоҷикистон аз ҳукумат даъват кард, “фазои пуршиддати тарсро аз байн барад.”

Додгоҳи олии Тоҷикистон яке аз фаъолони мадании Бадахшонро, ки мехост, дар интихоботи раёсати ҷумҳурӣ ширкат кунаду, рақиби Эмомалӣ Раҳмон шавад ба 30 соли зиндон маҳкум кардааст.

Мақомоти интизомии Тоҷикистон мегӯянд, дар муддати се сол дар зиндонҳои кишвар 124 зиндонӣ фавтидаанд.

Додгоҳи олии Тоҷикистон Улфатхоним Мамадшоева, хабарнигор ва як фаъоли ҷомеаи маданӣ аз Бадахшонро ба 21-соли зиндон маҳкум кардааст. Афроди огоҳ аз парванда имрӯз 9-уми декабр ба Радиои Озодӣ гуфтанд, ҳукми додгоҳ аввали ҳамин ҳафта содир шудааст, вале ҷузъиёти дигаре надоданд.

Рӯзҳои 4-7-уми декабр дар шаҳри Риёзи Арабистони Саудӣ ҳамоиши минтақавии ҳамбастагии олимпӣ/Шӯрои олимпии Осиё барои кумитаҳои олимпии қора баргузор шуд. Ба иттилои Кумитаи миллии олимпии Тоҷикистон, дар ин ҳамоиш намояндагони кумитаҳои миллии олимпии узви Шӯрои олимпии Осиё (ОСА) ширкат варзиданд. Тоҷикистонро ноиби президенти Кумитаи миллии олимпии Тоҷикистон Дилшод Назаров ва дабири кулли КМОТ Муҳаммадшо Абдуллозода намояндагӣ карданд. Мудири департаменти Бозиҳои варзишии Шӯрои олимпии Осиё Ҳайдар Фармон гуфт... Читать дальше...

Мақомоти Эрон Муҳсин Шакарӣ, яке аз 11 иштирокчии эътирозҳои оммавии зиддиҳукуматӣ дар он кишварро, ки ба қатл маҳкум шудаанд, эъдом карданд. Тибқи иттилои BBC, Муҳсин Шакарӣ субҳи 8 декабр ба дор овехта шудааст. Қаблан Додгоҳи инқилобии Эрон амалҳои ӯро дар ҷараёни эътирозҳои оммавӣ, ки нимаи моҳи сентябр пас аз марги Маҳсо Аминии 22-сола оғоз шуданд, "душманӣ зидди Худо" номида буд. Мақомоти Эронӣ Шакариро ба он муттаҳам карданд, ки рӯзи 25-уми сентябри имсол роҳеро дар шаҳри Теҳрон баста... Читать дальше...

Вазъи фавқулода дар шаҳри Экибастузи вилояти Павлодари Қазоқистон бекор шудааст. Вазъи фавқуллода дар ин шаҳр баъди як рӯзи аз кор мондани маркази барқу гармидиҳии шаҳр дар ҳавои то 30 дараҷа сард эълом шуда буд. Шаҳрдории Экибастуз гуфтааст, "фаъолияти мактаб ва боғчаҳо тибқи низоми муқаррарӣ, баъди фароҳам шудани шароити мусоид ва гармӣ дар биноҳо аз сар гирифта мешавад". Манбаъ афзуда, ки интиқоли гармӣ ба ҳама биноҳои истиқоматии баландошёна аз сар гирифта шуда, “корҳои барқарорсозӣ ҳамоно идома доранд". Читать дальше...

Раиси Девони вазирони Қирғизистон Оқилбек Жапаров дар ҷаласаи порлумон гуфт, то охири имсол дар вилояти Бодканди ин кишвар, ҳаммарз бо Тоҷикистон 150 хона бунёд мешавад. Масъалаи бунёди хонаҳо дар Бодкандро вакили порлумони Қирғизистон Жанар Акаев дар ҷаласаи 8-уми декабр матраҳ кард. Ба гуфтаи ӯ, ширкатҳои бинокорӣ қисми зиёди маблағеро, ки барои сохтмони хонаҳои осебдида дар натиҷаи муноқишаи марзӣ бо Тоҷикистон ҷудо шудааст, дарёфт накардаанд. "Пештар гуфтанд, ки хонаҳои Бодканд дар моҳи декабр пурра бунёд мешаванд. Читать дальше...

Маъмурони Вазорати амнияти миллии Туркманистон шаҳрвандонеро, ки мехоҳанд ба Узбекистон сафар кунанд, ба суҳбат даъват менамоянд. Ин хабарро як ҳамсуҳбати бахши туркмании Радиои Озодӣ, ки барои суҳбат ба Вазорати амнияти миллии Туркманистон даъват шуда буд, тасдиқ кард. "Вақте ҳамаи санадҳо барои сафар омода шудан шумо бояд барои суҳбат ба Вазорати амнияти миллӣ равед. Баъди бозгашт аз Узбекистон ҳам ба суҳбат даъват менамоянд. Бо шаҳрвандон тавре муносибат мекунанд, ки гӯё ба Узбекистон ҷосусро мефиристода бошанд"... Читать дальше...

Ширкати давлатии “Узбекистон темир йӯллари” хабари додани роҳи оҳани Мазори Шариф-Ҳайратонро ба ширкати қазоқии "Mansour Fatih" рад кард. Дар изҳороти ширкати узбекистонӣ гуфта шудааст, ки "рӯзҳои 5-6 декабри имсол бо маъмурияти роҳи оҳани Афғонистон дар бораи истифодаи қитъаи роҳи оҳани Ҳайратон-Мазори Шариф дар соли 2023 гуфтугӯ анҷом шудааст". "Дар натиҷаи гуфтугӯ бораи тамдиди муҳлати қарордод, таҳияи харитаи роҳ барои ҷалби шаҳрвандони Афғонистон барои нигоҳубини роҳ ва кор дар ширкат тавофуқ ҳосил шудааст", - омадааст дар изҳорот. Читать дальше...

Дар ҳамоише дар Душанбе намояндагони Иттиҳоди Аврупо аз руйдодҳои имсол ва соли гузашта дар вилояти Мухтори Кӯҳистони Бадахшон ва вазъи хабарнигорону ҳомиёни ҳуқуқ дар Тоҷикистон ба шиддат нигаронӣ кардаанд.