Дар Қазоқистон сарбозеро боздошт карданд, ки бо 30 адад автомати навъи AK-47 ё “Калашников”, 27 тапончаи навъи “Макаров” ва шумори зиёди муҳимоти дигар фирор карда буд. Вазорати умури дохилии Қазоқистон рӯзи 21 феврал гуфт, ки сержанти 24-сола Абилай Балғинбаев рӯзи 19 феврал қисми ҳарбии худро дар шаҳри ҷанубии Шимкент тарк кард ва ҳамроҳаш силоҳу муҳимотро бурд. Вазорат гуфт, ки фирорӣ аз ҷониби полис ва ходимони Кумитаи амнияти миллии Қазоқистон боздошт шуд. Ҳанӯз маълум нест, ки чаро як сарбози собиқадор даст ба ин кор зад ва ба вижа, силоҳро бо худ бурд. Дар хабари ҷудогона додситонии низомии Қазоқистон гуфт, ки дар заминаи нопадидшавии аслиҳа санҷише ба роҳ мондааст.
