"Росатом" мехоҳад, дар Қирғизистон неругоҳи ҳастаӣ созад
Ба огаҳии ширкат, ин санад 20-уми январ дар ҳошияи Намоишгоҳи ҷаҳонии "Экспо-2020" дар шаҳри Дубай аз сӯи мудири кулли "Росатом" Алексей Лихачев ва вазири энергетикаи Қирғизистон Доскул Бекмурзоев имзо шудааст.
"Бунёди чунин неругоҳҳои ҳастаӣ на танҳо ба истиқлоли энержии Қирғизистон, балки ба сатҳи зиндагии мардум ва рушди илмию техникӣ дар тамоми минтақаи Осиёи Марказӣ мусоидат мекунад", - гуфтааст Лихачев.
Вазорати энергетикаи Қирғизистон 21-уми январ бо нашри изҳороте имзои ёддоштро шарҳ дода, гуфтааст, "ҷониби Қирғизистон дар марҳалаи кунунӣ танҳо алоқамандии худро барои омӯзиши таҷрибаи ояндадори донишмандони ҳастаии Русия изҳор кардааст".