Memorial: Çeçen häkimiýetleri tussaglykdaky aktiwistiň dogan-garyndaşlaryna basyş edýär

Düýbi Moskwada ýerleşýän “Memorial” atly adam hukuklaryny gorap çykyş edýän merkez Çeçenistandaky häkimiýetleriň özleriniň Groznydaky edarasynyň tussaglykdaky ýolbaşçysy Oýub Titiýewiň dogan-garyndaşlaryna basyş edýändigini aýdýar.


Russiýanyň Demirgazyk Kawkaz regionynyň häkimiýetleri 60 ýaşyndaky Titiýewiň marihuanany saklandygyny aýdyp, 9-njy ýanwardan bäri ony tussaglykda saklaýarlar.


11-nji ýanwarda “Memorial” merkezi 10-njy ýanwarda polisiýanyň Titiýewiň Kurçaloý obasyndaky öýüne kürsäp girendigini we hukuk goraýjy aktiwistiň 28 ýaşyndaky ogly Bekhany hem-de onuň dogany Ýakuby gözländigini mälim etdi.


Merkeziň maglumatyna görä, polisiýa iki adamyň öýde ýokdugyny görüp, Titiýewiň beýleki dogan-garyndaşlaryny öýden zorluk bilen çykarypdyr we jaýyň gapylaryny gulplap, açary konfiskasiýa edipdir. Şeýle-de, olar Titiýewiň dogan-garyndaşlaryna Bekhan we Ýakub barada maglumat berilmese, onda olaryň “uly problemalar” bilen ýüzbe-ýüz bolup biljekdigini duýdurypdyrlar.