Putin Fransiýa bilen has ýakyn biznes gatnaşyklaryny wada berýär
Bu barada Putin Makronyň Sankt-Peterburgda geçýän ýyllyk ykdysady forumyna edýän saparynyň çäklerinde çykyş etdi. Bu saparyň dowamynda Fransiýanyň Total kompaniýasy bilen gaz ylalaşygy hem baglaşyldy.
Putin iki ýurduň ykdysady gatnaşyklarynyň – Ýewropa Bileleşigniň Kremliň Ukrainadaky agressiýasy sebäpli Moskwa girizen sanksiýalaryna, Siriýadaky düşünişmezliklere we beýleki meselelere garamazdan – “özgerýändigini” aýtdy.
Munuň yz ýany, Putin bilen Makron 3,5 sagada çeken gepleşikleri geçirdiler. Onuň dowamynda Siriýadaky we Ukrainadaky konfliktler, şeýle-de Eýranyň Ýadro ylalaşygy maslahat edildi.
Bu aralykda, Fransiýanyň Total kompaniýasy bilen Russiýanyň Arktikadaky gaz ýataklaryny özleşdirmek boýunça 25 milliard dollarlyk ylalaşyk hem baglaşyldy.