Новости за 12.05.2018

Yrakda, Bagdadyň geçen ýyl “Yslam döwleti” ekstremistik toparynyň üstünden ýeňiş gazanandygyny yglan edeninden bäri, ilkinji gezek parlament saýlawlary geçirilýär. Pikir soralyşyklaryň netijelerine görä, premýer-ministr Haýder al-Abadi öňde barýar. Şaýy Abadiniň Ýeňiş Alliansy partiýasy, geçen ýylyň dekbarynda “Yslam döwleti” ekstremistik toparynyň üstünden ýeňiş gazanandygyny yglan edenden soň, köpçüligiň goldawyny gazanmagy başarypdy. “Yslam döwleti” topary 2014-nji ýylda ýurduň üçden bir bölegini öz gözegçiligine geçirmegi başarypdy. Читать дальше...

ABŞ-nyň iki sany söweş uçary Alýaskanyň kenaryndaky halkara howa zonasynda Russiýanyň iki sany  bombalaýjy uçaryny nazara. Russiýanyň TU-95 “Aýy” kysymly uçarlary Alýaskanyň günbatar kenaryndan 300 kilometr uzaklykdaky Howa Hüjüminden Goranyş Identifikasiýa Zolagy atlandyrylýan giňişlige giripdirler. Bu barada Demirgazyk Amerikanyň Aerogiňişlik Goranyş Kommandowaniýesiniň metbugat-wekili CNN telekanalyna beýanat ýollady. F-22 kysymly iki sany söweş uçary rus bombalaýjy uçarlaryny, zolagy terk edýänçäler, nazarlarynda saklapdyrlar. Читать дальше...

Ýewropa döwletleri ABŞ-nyň Eýran bilen işleşýän firmalara garşy girizen sanksiýalaryndan soň, Tähran bilen baglaşylan ýadro ylalaşygyny saklap galmak, Eýranyň ykdysady bähbitlerini kepillendirmek we öz kärhanalaryny goramak ugrunda tagalla edýärler. Britaniýanyň premýer-ministri Tereza Meýiň metbugat wekiliniň aýtmagyna görä, prezident Donald Tramp ABŞ-nyň Eýranyň nebit we bank ulgamlaryna garşy girizilen täze sanksiýalarynyň, 2015-nji ýylda baglaşylan Ýadro ylalaşygynyň çäklerinde hereket edýän... Читать дальше...

Türkmenistanyň wekilçilikli topary iki günlük iş sapary bilen Eýrana bardy.

Portugaliýanyň paýtagty Lisbonda “Ýewrowideniýe” aýdym-saz bäsleşiginiň final tapgyry geçýär. Şenbe güni geçýän bu çärä 26 ýurduň, şol sanda Ukrainanyň, Serbiýanyň we Moldowanyň sungat işgärleri hem gatnaşýarlar. Geçen ýyl Kiýewde geçirilen “Ýewrowideniýede” portugaliýaly aýdymçy Salwadar Sobralyň ýeňiş gazanandygy sebäpli, bu ýylky bäsleşik Portugaliýada geçiriler. “Ýewrowideniýe” ilkinji gezek 1956-njy ýylda geçirilipdi. Bäsleşigiň maksady 2-nji Jahan urşundan soň Ýewropany birleşdirmekdi. Читать дальше...

Moskwanyň sudy geçen ýyl “Eho Moskwy” radiosynyň žurnalistini pyçaklan adamy psihiatriki bejergä höküm etdi. Boris Gritsiň sud işi 18-nji aprelde başlanypdy. Sud Gritsiň psihiki taýdan kadasyzdygyny belläp, onuň eden etmişi üçin jogapkärçilige çekilip bilmejekdigini aýtdy. Grits Tatýana Felgengaueri öldürmek islemändigini aýtsa-da, ony üç gezek, ýagny boýnuna, kellesine we eline pyçak urandygyny boýun aldy. “Eho Moskwy” radiosynyň alyp baryjysy we redaktorynyň orunbasary Felgengauer 23-nji oktýabrda amala aşyrylan hüjümde aman galdy. Читать дальше...

Türkiýäniň premýer-ministri öz ýurdunyň Ermenistanyň täze lideri Nikol Paşiniýanyň diplomatiki gatnaşyklary ýola goýmak we uzak wagtdan bäri dowam edip gelýän dartgynlylygy gowşatmak teklibini seretmäge meýillidigini aýtdy. “Biz öz dostlarymyzyň sanyny köpeldip, duşmanlarymyzyň sanyny azaltmagy maksat edinýäris. Biz hiç kim, hususanda öz goňşylarymyz bilen gazaply bolmak islemeýäris” diýip, premýer-ministri Binali Ýildirim Ankarada žurnalistleriň öňünde çykyş etdi.  Türkiýe bilen Ermenistanyň arasynda diplomatiki gatnaşyklar ýokdur. Читать дальше...