Britaniýa Russiýa garşy has köp sanksiýalaryň girizilmegine çagyrýar

Britaniýanyň täze daşary işler ministri özüniň ilkinji çykyşynda Ýewropa Bileleşigine Russiýa garşy sanskiýalary artdyrmaga we bu ugurda ABŞ bilen “egin-egne durmaga” çagyryş etmegine garaşylýar.


Britaniýanyň daşary işler sekretary Jeremy Huntyň Waşingtonda ABŞ-nyň Parahatçylyk Institutynda etjek çykyşynda, Kremliň ozalky rus içalysyny Angliýada nerw gazy bilen zäherländigi aýdylýan waka bilen ilteşikli, Russiýanyň halkara normalaryna hormat goýmagy üçin, ÝB-niň Moskwa garşy has köp basyş etmegine çagyryş etjekdigi aýdylýar.


Hunt öz çykyşynda: “Elbetde, biz Moskwa bilen işleşmelidiris. Şol bir wagtda, biz hüşgärligi elden bermeli däldiris: Prezident Wladimir Putiniň ýolbaşçylygyndaky Russiýanyň daşary syýasaty dünýäni has howply bir ýere öwürdi” diýip, nygtaýar.