Pakistanda kömür käninde dörän hadysada dokuz adam öldi
Darra Adam Khel şäherinde ýüze çykan hadysanyň sebäpleri häzirlikçe belli däl.
Resmiler ýaralanan dört magdançynyň ikisiniň ýagdaýynyň agyrdygyny aýtdylar.
Bu soňky aýda Pakistanda ýüze çykan şeýle hadysanyň ikinjisidir. 13-nji awgustda Kwetta şäheriniň golaýyndaky kömür käninde dörän partlamada azyndan 18 adam ölüpdi.
Tankytçylar ýurduň kömür känlerinde howpsuzlyk şertleriniň talaba laýyk berjaý edilmeýändigini aýdýarlar.
Pakistanyň Magdançylar Merkezi Federasiýasy her ýylda heläkçilikli hadysalar sebäpli 200 töweregi magdançynyň ölýändigini aýdýar.