Siriýa güýçleri rus harby uçaryny urdy

Russiýanyň Goranmak ministrligi Siriýanyň howa hüjüminden goranyş güýçleriniň tötänlik bilen rus harby gözegçilik uçaryny urandygyny we onuň bortundaky 15 agzasyny öldürendigini aýdýar.


Mundan öň, Ilýuşin Il-20 kysymly uçar Siriýanyň kenaryndan 35 kilometr uzaklykda, ýerli wagt bilen sagat 11-de radarlardan ýitirim bolupdy.


Uçar Siriýanyň Latakia welaýatyndaky Hmemim harby howa bazasyna dolanýardy.