Pakistanyň sudy ozalky premýer-ministr Nawaz Şarifi türmeden boşatdy
Yslamabadyň Ýokary sudy 19-njy sentýabrdaky sessiýasynda Şarifi, Marýam Nawazy we Mohammad Safdary girew esasynda, olaryň şikaýat diňlenişigine çenli, türmeden boşatmagy buýurdy.
Sud bu üç adamyň her biriniň 500 müň rupi ($4,000) girew goýanyndan soň boşadylmalydygyny aýtdy.
Sud jaýynyň daşynda garaşyp duran onlarça goldawçysy bu karar yglan edilenden soň “Premýer-ministr Nawaz Şarif” diýip gygyryşdy.
"Bu günki karar adalat üçin ýeňiş” diýip, ozalky daşary işler ministri Khawaja Asif aýtdy.