Abu Dabide ýerleşýän nebit kärhanasy ýakalaşykdan soň, 'gazak halkyndan' ötünç sorady
1-nji iýulda Consolidated Contracting Engineering & Procurement S.A.L. Offshore (CСЕР) kärhanasynyň direktory wideo ýazgy arkaly çykyş edip, “düýbünden ýerliksiz hadysanyň” kompaniýanyň gymmatlyklaryna we prinsiplerine laýyk gelmeýändigini aýtdy.
Ol munuň bilen baglylykda wezipesinden boşadylan işgäriň şahsyýetini aýdyňlaşdyrdy; şeýle-de hadysa boýunça derňewiň geçiriljekdigini mälim etdi.
Gazak mediasynyň beren maglumatyna görä, 29-njy iýunda Tengiz nebit ýatagynda liwanly şertnamalaýyn bir işgär öz gazak gyz kärdeşiniň kemsidiji suratlaryny internetde paýlaşandan soň, özara ýakalaşyk ýüze çykypdyr.
Hadysada onlarça adam ýaralanypdyr. Mundan başga-da, ýüzlerçe iordaniýaly we liwanly işçiler sebitden ewakuasiýa edilipdir.