Täjigistanda 14 tussag iýmitden zäherlenip öldi
Tussaglar 7-nji iýulda ýurduň demirgazygyndaky Sogd regionyndan Duşenbe, Norak we Ýowon şähelerindäki türmelere äkidilip barylýardy.
“Ýolda, Warzab jülgesinde tussaglaryň biri beýleki 15 tussag bilen üç döwüm çöregi paýlaşdy. Tussaglar Duşenbä geleninden soň, olaryň saglyk ýagdaýy erbetleşdi” diýip, Adalat ministrliginiň beýanatynda aýdylýar.
Maglumata görä, tussaglaryň, çöregi iýenlerinden 1,5 sagatdan soň, “ýüregi bulanyp, başy aýlanyp” başlapdyr.
Resmi beýanatda diňe iki tussagyň janyny saklap galmak başardandygy bellenilýär.
Baş prokuratura hadysa boýunça derňew işini açdy.