Pakistanda guralan goşa hüjümde sekiz adam öldürildi

Pakistanyň polisiýasy hüjümçileriň 21-nji iýulda ýurduň demirgazyk-günbataryndaky Khyber Pakhtunkhwa welaýatynda polisiýa stansiýasyny oka tutup, soňra ýaralylar getirtilýän wagtynda hassahananyň girelgesini partladyp, jemi sekiz adamy, şol sanda dört sany polisiýa ofiserini öldürendiklerini, 30 adamy ýaralandyklaryny aýdýar.


Etrap polisiýanyň başlygy Salim Riaz Maşal radiosyna jeňçileriň motosikletli gelip, Kotla Siedan barlag nokadyndaky polisiýa ofiserlerini oka tutandyklaryny we iki ofiseri öldürendiklerini aýtdy.


Bu hüjümden soň janyndan geçen bir aýal bombaçy hassahananyň girelgesini nyşana aldy we ýene alty adamy, şol sanda iki polisiýa ofiserini öldürdi. 


Saglyk resmileri ölenleriň sanynyň köpelmeginiň ahmaldygyny duýdurdylar. Pakistanyň “Talybany”, Tehrik-e-Taliban Pakistan guramasy hüjümiň jogapkärçiligini öz üstüne aldy.