Geçen hepdäniň aýagynda Türkmenistanyň döwlet dükanlarynda arzan çilim gaýtadan satylyp başlandy. Ençeme aýa çeken arakesmeden soň, döwlet dükanyna çilim gelende, adatça bolşy ýaly, bu gezegem köp adam nobata durdy, oňuşmazlyk, dawa-jenjel, ýumruklaşma hem ýüze çykdy, onlarça adam polisiýa tarapyndan saklandy. Ykdysady krizisiň arasynda köp adamyň çäkli möçberde satylýan çilimi soňra has gymmada ýerlemek üçin ençeme sagatlap nobatda garaşýandygy hem bellenilýär.
