Саратов Җәмигъ мәчете территориясендәге махсус чатырда күмәк ифтарлар оештырыла
Изге Рамазан ае алдыннан Саратов Җәмигъ мәчете территориясендә махсус чатыр урнаштырылды. Биредә Изге айның беренче көненнән үк күмәк ифтарлар үткәрелә. Бу хакта Россия Мөфтиләр шурасының матбугат хезмәте хәбәр итә.
Күмәк намаз укыганнан соң ураза тотучылар чатырга юл ала, биредә аларны кайнар аш, яшелчә һәм җиләк-җимеш, тәм-томнардан торган табын көтә.
Саратов Җәмигъ мәчете территориясендәге махсус чатырда күмәк ифтарлар көн саен 170 кешегә оештырыла. Аларның күпчелеген студентлар һәм мохтаҗлар тәшкил итә.
Табыннар меценатлар акчасына әзерләнә. 2023 елда махсус чатырда ифтарның бер көне 50 мең сум тора, диелә хәбәрдә.