Мәскәүдә Фикрәт Табиевның хатыны Динә ханым вафат булган
Бүген Мәскәүдә Динә Табиева – медицина фәннәре докторы, КПССның Татар өлкә комитетының беренче секретаре Фикрәт Табиевның хатыны вафат булган. Бу турыда Татарстанның Мәскәүдәге Тулы вәкаләтле вәкиллегенең телеграм-каналында хәбәр ителә.
Динә Табиевага 93 яшь иде. «Талантлы һәм максатка омтылучан ханым иде. Ул һәрчакта күренекле ире кебек булырга тырышты. Илдә рефлексотерапия мәктәбе барлыкка килүе һәм үсеше аның исеме белән бәйле. Бу өлкәдә Табиева хезмәтләренә бүген дә ихтыяҗ зур», диелә хәбәрдә.
Мәрхүмә белән хушлашу 30 мартта Россия Президентының Эшләр белән идарәсенең поликлиникалы Үзәк клиник хастаханәсе янында була. Аны ире янында – Данилов мөселман зиратында җирлиләр.