Путин һәм Эрдоганның киңәйтелгән форматтагы сөйләшүләре 1,5 сәгать дәвам иткән

Сочида узган Россия -Төркия сөйләшүләре киңәйтелгән составта тәмамланды — ул 1,5 сәгать дәвам итте. Бу хакта ТАСС хәбәр итә.

Владимир Путин һәм Рәҗәп Тайип Эрдоган очрашуында ике илнең саклану, тышкы эшләр министрлары һәм башка төп министрлар катнашты. Ике яклы көн тәртибе мәсьәләләреннән тыш, яклар ашлык килешүен яңарту темасын да тикшерде.

«Беләм, сез ашлык килешүе турында сораулар күтәрергә уйлыйсыз», — диде Путин очрашуны ачып. — Без бу мәсьәлә буенча сөйләшүләр өчен ачык».

Очрашудан соң делегацияләр составында ике ил лидеры сөйләшүне тар форматта эшлекле төшке аш белән дәвам итте. Сөйләшүләр нәтиҗәсендә Президентларның матбугат конференциясе ихтималы көтелә.

Төркия делегациясен Сочи аэропортында Краснодар крае губернаторы урынбасары Александр Руппель, шәһәр мэры Алексей Копайгородский һәм Мәскәүдәге Төркия илчесе Мәхмәт Самсар каршы алды.