Новости за 14.09.2023

Татарстанның Буа районыннан махсус хәрби операция зонасына чираттагы гуманитар йөк партиясен җибәрделәр, аның гомуми авырлыгы 3,5 тоннадан артык. Район башлыгы Ранис Камартдинов колоннаны озатырга һәм ярдәм итүчеләргә рәхмәт белдерергә килде.

Татарстан мөфтиятенең башлангычы белән һәр ел саен гошер сәдакасын җыю һәм халыкның мохтаҗ катламнарын азык-төлек белән тәэмин итү кампаниясе дәвам итә. Мисал өчен, башкалар арасында әлеге изге гамәлгә Татарстанның Чирмешән, Балык бистәсе, Алексеевск, Тукай мөхтәсибәтләре дә актив кушылды. Бу хакта ТР Диния нәзарәте матбугат хезмәте хәбәр итә.

Татарстанда җылы һәм коры һава торышы атна азагына кадәр һәм якынча дүшәмбе һәм сишәмбе дә сакланачак. Бу хакта Татарстан Гидрометеорология һәм әйләнә-тирә мохитне күзәтү үзәге матбугат хезмәте хәбәр итә.

Россия Президенты Владимир Путин һәм Корея Халык Демократик Республикасының Югары җитәкчесе Ким Чен Ын сөйләшүләр вакытында бүләкләр сыйфатында карабиннар белән алмаштылар. Россия лидеры шулай ук үзенең Төньяк Корея хезмәттәшенә космик скафандр перчаткасы бүләк итте. Бу хакта Россия дәүләте башлыгының матбугат сәркатибе Дмитрий Песков сөйләде. РИА Новости шул хакта хәбәр итә.

Татарстан Рәисе Рөстәм Миңнеханов һәм Татарстан Дәүләт Советы Рәисе Фәрит Мөхәммәтшин «Бердәм Россия» партиясенең Югары совет бюросы һәм Генераль советы президиумының уртак утырышында катнашты. Чарада бердәм тавыш бирү көне нәтиҗәләре турында фикер алыштылар. Бу хакта Татарстан җитәкчесенең матбугат хезмәте хәбәр итә.

Бүген 84 яшендә Татарстанның халык артисты Флера Сөләйманова вафат булды. Эчкерсезлек һәм тирән мәгънә бирә белүе аның башкаруында күп җырларны татар эстрадасы алтын фондының мирасы итте. Бу хакта Татарстан җитәкчелегенең кайгы уртаклашу телеграммасында әйтелә.

Татарстан Рәисе Рөстәм Миңнеханов Сеченов исемендәге Мәскәү дәүләт медицина университеты ректоры Петр Глыбочко белән очрашты. Очрашуда фән һәм инновацияләр өлкәсендә республиканың югары уку йортлары һәм сәламәтлек саклау министрлыгы белән хезмәттәшлек турында фикер алыштылар. Бу хакта Татарстан җитәкчесенең матбугат хезмәте хәбәр итә.

Россия Халыклар дуслыгы университеты белән Казан федераль университеты арасында хезмәттәшлек турында килешү имзаланды. Бүген Татарстан Рәисе Рөстәм Миңнеханов П.Лумумба исемендәге Россия Халыклар дуслыгы университеты президенты Владимир Филиппов белән әлеге һәм югары уку йорты белән республика арасындагы багланышлар мәсьәләләре турында фикер алышты. Очрашу Татарстан Хөкүмәт Йортында узды.

Бүген Казанның «Ак Барс» хоккейчылары Уфаның «Салават Юлаев» командасына җиңелде. Уен исәбе – 3:2. Матч Уфада узды.

В ГБКЗ имени Салиха Сайдашева Раис Республики Татарстан выступает с посланием Госсовету РТ.

Татарстанның чигелгән картасы — ул безнең матди булмаган мәдәни мирасыбызны торгызу юлында яхшы адым. Бу хакта ТР Дәүләт Советы утырышы тәнәфесендә шул ук исемдәге күргәзмәдә Татарстан Дәүләт Киңәшчесе Минтимер Шәймиев белдерде.

Татарстан Рәисе Рөстәм Миңнеханов Ташкент өлкәсенең Чирчик шәһәре хакиме Даврон Хидоятов белән очрашу үткәрде. Бу хакта Татарстан җитәкчесенең матбугат хезмәте хәбәр итә.

Чикләүләргә Мәскәүнең "Москвич" заводы, "АвтоВаз", "Росавтодор", "Соллерс", "Ульян ядрә заводы" АҖ һәм башка хәрби һәм транспорт ширкәтләре эләккән.

Татарстан җитәкчелеге милләтара тынычлыкны һәм татулыкны саклауга аерым игътибар бирә. Бу юнәлештә алга таба эш алып бару, шулай ук бүген ТР Рәисе Рөстәм Миңнеханов Дәүләт Советына еллык юлламасында куйган бурычлар бу мәсьәләләрнең һәрвакыт республика җитәкчелегенең махсус контролендә булуын һәм булачагын аңлата. Татарстан Халыклар дуслыгы йорты директоры Тимур Кадыйров шундый фикер белән уртаклашты.

Татарстан Рәисе Рөстәм Миңнехановның Дәүләт Советына юлламасында саннар аз булса да, республиканың сәяси һәм социаль-икътисади стратегиясе бар, дип бәяләде Россия Дәүләт Думасы депутаты Олег Морозов.

Әгерҗедә янгын урынында төшерелгән видео чыкты, анда ике кеше үлгән. Бу хакта Россия Тикшерү комитетының Татарстан буенча Тикшерү идарәсенең рәсми Телеграм-каналында хәбәр ителә.

Россиянең атказанган тренеры Ольга Павлова Татарстан Рәисе Рөстәм Миңнехановның Дәүләт Советына еллык юлламасында спорт өлкәсендәге мәсьәләләрнең аерым урын алып торуын билгеләп үтте.

Рөстәм Миңнеханов юлламасында татар теленә күпме игътибар күрсәтте һәм Татарстан озак сугышка әзерләнәме?

Халыкара «Татар кызы» бәйгесендә Ростов өлкәсен Галия Палютина тәкъдим итә. Галия сүзләренчә, моңа кадәр бәйгедә Ростов кызлары катнашмаган. Ул бәйгедә Ростов өлкәсе һәм Дон татарлары исеменнән чыгыш ясавы белән горурлануы турында сөйләде.

«Бердәм Россиянең Яшь гвардия» Татарстан төбәк штабы җитәкчесе Руслан Шиһабетдинов аерым бурыч булып махсус хәрби операциядә катнашучы солдатларга ярдәм итү тора, дип саный.

2023 елда Казан укытучылары һәм өстәмә белем бирү педагоглары мәктәп олимпиадаларында призерларны һәм җиңүчеләрне әзерләгән өчен акчалата бүләк алачак. Бүләкләр республика һәм бөтенроссия дәрәҗәсендәге олимпиадаларда җиңгән өчен бирелә. Бу хакта Татарстан башкаласы башкарма комитетының документлар һәм хокукый актлары җыентыгында әйтелә.

Россия Президенты Владимир Путин 15 сентябрьдә үзенең Беларусь коллегасы Александр Лукашенко белән Сочида сөйләшүләр уздырачак. Бу хакта Россия лидерының матбугат сәркатибе Дмитрий Песков хәбәр итте. РИА Новости шул хакта яза.

Ул биш көнлеккә күчергә теләүчеләрне кабат тәрбияләргә кирәк дип белдерде.

Татарстан Рәисе Рөстәм Миңнеханов ТР Дәүләт Советына юлламасында СИБУР компаниясенә Казанда Фәнни-тикшеренү һәм тәҗрибә-конструкторлык эшләре үзәген төзү карары өчен рәхмәт белдерде.

«Идел» яшьләр үзәгендә үтүче «Татар яшьләре көннәре» форумы катнашучылары Россиянең спорт мастеры, «Наше дело» халыкара оешмасы чемпионы Дамил Шәрәфетдинов белән очрашты. Ул тумышы белән Түбән Новгород шәһәреннән.