Новости за 21.09.2023

Татарстанның Тукай районында 1 октябрьдән шәһәр яны маршрутларында йөрү бәясе артачак. Мондый карарның сәбәпләре турында Тукай районы пассажир ташучылар берлеге рәисе Раушан Тимергалин сөйләде.

Республика клиник хастаханәсенең 2нче диагностика үткәрү һәм дәвалауда рентгенохирургия алымнары бүлеге мөдире Ирек Әхмәтовны федераль коллегаларын өйрәтү өчен Санкт-Петербургның Н.Н.Петров исемендәге онкология илкүләм медицина тикшеренү үзәгенә чакырганнар. Бу хакта ТР Сәламәтлек саклау министрлыгының матбугат хезмәте хәбәр итә.

Чувашиянең Шумерля шәһәре Җәмигъ мәчете янында мәхәллә активистларының тырышлыгы белән күп функцияле спорт мәйданчыгы ачылды. Тантаналы чараны Россиядә - Укытучы һәм остаз, Чувашия Республикасында Бәхетле балачак елына багышладылар. Бу хакта Россия мөселманнары Дини җыены Үзәкләштерелгән дини оешмасының матбугат хезмәте хәбәр итә.

Казанда 2 нче маршрут трамвайлары һәм 13 нче маршрут троллейбуслары кондукторларсыз йөри башлады. Хәзер пассажирлар юл йөрү өчен стационар валидаторлар аша түли алачак. Бу турыда Казан мэриясе хәбәр итте.

Бүген Россия Федерациясе Хөкүмәте Рәисе урынбасары Виктория Абрамченко Казанга эш сәфәренә килде. Ул Казанда Кабан күленең төзекләндерелгән яр буен карады.

Бүген Дагыстан Республикасы башкаласы Махачкалада IX «Россиянең тарихи-мәдәни мирасы» дип аталган парламент форумы ачылды. Аның эшендә ТР Дәүләт Советы Рәисе, РФ Федераль Җыены Федерация Советы каршындагы Милләтара мөнәсәбәтләр һәм дини берләшмәләр белән хезмәттәшлек советы рәисе урынбасары, Татарстан халыклары Ассамблеясы Советы рәисе Фәрит Мөхәммәтшин да катнаша. Бу хакта ТР Дәүләт Советының матбугат хезмәте хәбәр итә.

Кинорежиссер Илшат Рәхимбайның «Микулай» фильмы төшерелгән Питрәч районы Талкыяз авылында туристлар өчен «Микулай» киноавылы ясау идеясе бар. Бүген әлеге авторлык турпроекты журналистларга һәм блогерларга тәкъдим ителде.

Төркиянең Истанбул шәһәрендә тантаналы рәвештә беренче KAZANDA by Evren татар-төрек рестораны ачылды. Бу хакта «Татар-информ» агентлыгына Татарстанның Төркиядәге Тулы вәкаләтле вәкиллегендә хәбәр иттеләр.

Россия Саклану министрлыгының саклану министрының беренче урынбасары Руслан Цаликов җитәкчелегендәге эшче төркеме Үзәк хәрби округ гаскәрләренә сәфәре кысаларында гражданнарны контракт буенча хәрби хезмәткә чакыру буенча чараларны оештыруны тикшерде. Бу турыда Татарстан Рәисенең матбугат хезмәте хәбәр итте.

«Беренчеләр хәрәкәте»нә зур җаваплылык йөкләнгән. Әлеге хәрәкәтнең Татарстандагы җитәкчесе Тимур Сөләйманов, ТР Рәисе Рөстәм Миңнехановның республика Дәүләт Советына юлламасын шәрехләп, шундый фикере белән уртаклашты.

Татарстан Рәисе Рөстәм Миңнеханов Telegram-каналында цифрлы технологияләр өлкәсендә DigitalSkills чемпионатыннан фотолар урнаштырды.

Әтнә районының Ары авылында Илдар Юзеевның «Гашыйклар тавы» повесть-поэмасы нигезендә тулы метражлы нәфис фильм төшерелә башлады. Фильмның премьерасы 2024 елга планлаштырылган.

26-28 сентябрь көннәрендә Чечня Республикасында Татарстан мәдәнияте көннәре үтәчәк. Чечня Республикасында Татарстан мәдәнияте көннәре кысаларында Чечня Республикасы мәдәният министры Айшат Кадырова белән Татарстан Республикасы мәдәният министры Ирада Аюпова очрашуы да каралган.

Бүген Татарстан Республикасына эш сәфәре барышында Россия Федерациясе Хөкүмәте Рәисе урынбасары Виктория Абрамченко Казанның биологик чистарту корылмаларында һәм ләм кырларында булды. Татарстан Рәисе Рөстәм Миңнеханов белән бергә, Россия вице-премьеры БЧКда башкарылган эшләр белән танышты.

Түбән Новгород өлкәсе татарлары төбәк милли-мәдәни автономиясе башкарма комитеты Түбән Новгород шәһәренең төрле милләттәге мәктәп укучылары арасында иҗади бәйгеләр (рәсемнәр, кул эшләнмәләре, яндырып бизәк төшерү, инсценировка һ.б.) игълан итә. Бу турыда автономиянең ВКонтакте челтәрендәге сәхифәсендә язылган.

26 сентябрьдә 15.00 сәгатьтә Татарстан Милли китапханәсендә (Казан, Пушкин урамы, 86) милли геройга багышланган «Туган Батыр һәм Хакыйкать Кылычы» дигән яңа китапны тәкъдим итү кичәсе була. Бу турыда оештыручылар хәбәр итте.

Тарих институтының өлкән фәнни хезмәткәре Айдар Ногманов сүзләренчә, зиратта борынгы кабер ташларына игътибар җитми.

Мордовиянең Краснослободск медицина көллиятендә 17 кеше (шуларның тугызы – балалар) билгесез газ белән агуланган. Бу хакта ТАСС агентлыгы Гадәттән тыш хәлләр министрлыгының Мордовия Республикасы буенча Баш идарәсенә сылтама белән хәбәр итә.

«Нур» халык театры Ульяновск өлкәсенең Киндяковка мәдәният йортында «Аккошым минем» спектаклен куя. Бу турыда «Өмет» газетасы телеграм-каналында хәбәр итте.

Бүген Интернет киңлекләрендә «СалаваTik»ларның «Саннар» дип исемләнгән яңа җырына видео чыкты. Җыр сүзләренең авторы – Резеда Гобәева, көен Эльмир Низамов иҗат итте. Әлеге җыр «Тыпырдык» спектакленнән алынды. Бу турыда оештыручылар хәбәр итте.

Всероссийский образовательный проект в сфере информационных технологий «Урок цифры» привязан к теме «Искусственный интеллект в отраслях».

Профилактическая акция отряда ОППН совместно с представителями Центра «Форпорст» прошла сегодня в утренние часы на дорогах города.

Бүген Татарстан Республикасы Дәүләт Советы Рәисе Фәрит Мөхәммәтшин Дагыстан Республикасы Халык җыены рәисе Заур Аскендеров белән очрашты. Очрашу Дагыстан парламентында узды. Татарстан Республикасы Дәүләт Советы матбугат хезмәте шул турылда хәбәр итә.

Старт занятий 21 сентября.

Татарстанда алдагы ял көннәрендә аномаль җылы һәм коры һава торышы сакланачак. Бу хакта Татарстан Республикасы Гидрометеорология һәм әйләнә-тирә мохитне күзәтү идарәсе фаразында әйтелә.