Новости за 28.09.2023

Лениногорск районына мобилизацияләнгән хәрбиләрнең чираттагы төркеме ялга кайтты. Алар район башлыгы Рәгать Хөсәенов белән очрашты. Очрашу, гадәттәгечә, җылы атмосферада, чәй өстәле артында, гади итеп аралашып узды. Монда шәһәрнең төрле хезмәт вәкилләре дә катнашты. Бу хакта «Заман сулышы» хәбәр итә.

Татарский Студенец (Татар Суыксуы авылы) — село в Алькеевском районе Республики Татарстан. Расположено на территории Нижнеалькеевского сельского поселения, в Западном Закамье на реке Чишма, левом притоке реки Малый Черемшан,находится в 4,2 км к северу от центра поселения, села Нижнее Алькеево,… Далее

Татарстан фәннәр академиясе Тарих институтын "йотарга" җыена. Тарихчылар академия президенты Рифкать Миңнехановның фәнни юнәлештә вертикаль төзергә җыенуын әйтә. Кайбер галимнәр моннан зыян юк дигән фикердә. Шулай да институтта кыскартулар башланыр, тарихка басым ясалыр дип шикләнүчеләр бар.

Самарада Гаяз Исхакыйның «Ул әле өйләнмәгән иде» повесте буенча спектакль премьерасы булды. Ул «Театраль Идел» («Волга театральная») фестивале кысаларында тәкъдим ителде. Бу хакта «Самара татарлары» хәбәр итә.

Бүген Казанның «Ак Барс» хоккейчылары «Торпедо» командасына 1:2 исәбенә оттырды. Матч Түбән Новгородта узды.

Татарстан спорт министры Владимир Леонов киләсе 2024 елда Татарстанда Олимпия чемпионы Алинә Заһитованың фигуралы шуу мәктәбе ачылуы турында игълан иткән. Бу хакта ТАСС хәбәр итә.

Россия мәктәпләрендә Россия Федерациясе Конституциясе буенча ачык дәресләр үткәрергә кирәк. Моны Дәүләт думасының Дәүләт төзелеше һәм законнар чыгару комитеты рәисе Павел Крашенинников тәкъдим итте. Бу хакта парламентарий Казан халыкара юридик форумының пленар утырышында белдерде.

Татарстан Рәисе Рөстәм Миңнеханов Ислам хезмәттәшлеге оешмасы илләренең Глобаль яшьләр форумын үткәрүдә республиканың тәҗрибәсе турында сөйләде. Форум яшьләр арасында милләтара һәм конфессияара тынычлыкны һәм татулыкны ныгыту чарасы буларак оештырылды. Бу хакта Рәис Идел буе федераль округының яшьләр сәясәте мәсьәләләре буенча Советында сөйләде, дип хәбәр итә республика лидерының матбугат хезмәте.

Татарстанда республиканың резерв чакырылыш комиссиясе составына үзгәрешләр кертелде. Әлеге карарны Татарстан Рәисе Рөстәм Миңнеханов имзалады.

3 октябрьдә Казан халкы һәм кунаклары Татарстан Милли музеена һәм аның филиалларына бушлай керә алачак.

Мәскәүнең «Москонцерт Холл» сәхнәсендә Габдулла Кариев исемендәге Казан Татар дәүләт яшь тамашачы театры ике спектакль тәкъдим итәчәк. Бу хакта Татарстан Республикасының Россия Федерациясендә Тулы вәкаләтле вәкиллеге матбугат хезмәте хәбәр итә.

Казанда 29 сентябрь көнне 13.00 сәгатьтә Габдулла Тукай Әдәби музеенда «Тукай Петербургта» күргәзмәсе ачыла. Бу хакта Санкт-Петербург һәм Ленинград өлкәсендә Татарстан Республикасының Даими вәкиллеге матбугат хезмәте хәбәр итә.

Татарстан Рәисе Рөстәм Миңнехановка Россия Президентының Идел буе федераль округындагы Тулы вәкаләтле вәкиле дәүләт башлыгының Рәхмәт хатын тапшырды.

Россия Мәгариф министрлыгында электрон дәреслекләргә күчү турында ачыклык керткәннәр. Бу хакта РИА Новости хәбәр итә.

"Ике ел эчендә генә дә 1960-1990 еллар күләмендә  бозлыклар эрегән. Кайбер кечкенә бозлыклар бөтенләй юкка чыккан", ди белгечләр. Алар фикеренчә бозларның болай нык эрүенә кышын карның әз явуы сәбәпче, кар аларны кояш нурларыннан да, җәен югары температурадан да саклап тора.

26 сентябрьдә Питрәч авылы Җәмигъ мәчетенә ярымай куелды. Төзүчеләр, Аллаһы Тәгаләгә мактау сүзләре әйтеп, ярымайны 32 метр биеклектәге манарага күтәрде. Шунысы кызыклы: аның эченә хәйриячеләр һәм мәчет төзелешенә өлеш керткән кешеләрнең исемнәре язылган капсула салынган.

Татарстан Рәисе Рөстәм Миңнеханов махсус хәрби операциядә катнашучыларга коммуналь түләүләрне кичектергән өчен пеня билгеләүне гамәлдән чыгарган карарга кул куйды.

Казанда тантаналы төстә «Россия Кызыл Хач» иҗтимагый оешмасының Татарстан бүлекчәсе үзәге ачылды. Ул балалар һәм аларның әти-әниләре өчен оештырылган.

Россия Федерациясенең барлык төбәк җитәкчеләре халык белән ачык диалогка һәрвакыт әзер булырга тиеш. Бу хакта Россия Президенты Владимир Путин белдерде, дип хәбәр итә Кремльнең матбугат хезмәте.

Административ хокук бозулар турында Россия Федерациясенең яңа кодекс проекты һәм тиешле процессуаль закон югары дәрәҗә әзерлектә. Бу хакта Россия юстиция министры Константин Чуйченко Казан халыкара юридик форумының пленар утырышында хәбәр итте.

Болгарда I «Болгар риваятьләре» Арт-симпозиумы бара. Кичә симпозиум кысаларында Мәүлид бәйрәме уңаеннан күргәзмә узды. Болгарга беренче тапкыр килгән Башкортстан рәссамнары хис-кичерешләре белән уртаклашты.

Чыгымнар кимесен өчен мәктәпләрне кечкенәрәк итеп салмакчылар. Хәзерге вакытта 1,5 мең укучыга исәпләнгән яңа мәктәпнең мәйданы 28 мең дүрткел метр, ә Чаллыда 1985 елда 1,5 мең укучыга дип төзелгән, бассейнлы мәктәпнең мәйданы 18,5 мең дүрткел метр, ди республиканың төзелеш министры урынбасары.

Эшмәкәр һәм стартаперлар өчен иң уңайлы Россия шәһәрләре рейтингында Казан җиденче урынны алган. Исемлек Forbes журналы сайтында урнаштырылган.

Математика дәресенә "традицион рухи-әхлакый кыйммәтләр"не ничек кертергә мөмкин булуын да искәртә. Аның фикеренчә, укучылар әти-әни, балалар темасы яктыртылган математик мәсьәләләрне чишә алыр иде.

Казанда узачак БРИКС илләре саммитына 26 дәүләт башлыгы килер дип көтәләр. Бу хакта Казан халыкара юридик форумының пленар утырышында Татарстан башкаласы мэры Илсур Метшин хәбәр итте.